قديم 10-12-2011, 06:17 AM   #1
-||[كبار الشخصيات في المنتدى]||-
 
الصورة الرمزية ألحان العودة
 
تاريخ التسجيل: Jun 2008
المشاركات: 4,201
مقالات المدونة: 9
معدل تقييم المستوى: 17
ألحان العودة is on a distinguished road
شعر الشاعر هشام الجخ


اليوم إن شاء سنواصل تنشيط قسم الدواوين لنقدم لكم بعض الشعراء الشباب الذين أبدعوا
وكان لهم علامة فارقة في الشعر الحديث .. بعد إذنه سنبدأ بتجميع اغلب كتاباته في هذا القسم
إنه الشاعر
هشـــــــــــــــــام الجـــــــــــخ

نبذة عن الشاعر وحياته :-

الاسم : هشام كامل عباس محمود الجخ مهدي محمد علي سالم ابو جاموس

معلومات شخصيه عن الشاعر

عمامي من قنا وخوالي من سوهاج اتربيت في سوهاج ودخلت كلية التجارة هناك كانت اياميها تبع جامعة اسيوط حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009

بحب الشعر وبذاكره وبهتم بيه ومش بقوله غير وانا عايز اقوله بعشق عيون الناس وهي بتلمع وانا واقف على خشبة المسرح وبموت في كلمة الله لما تطلع من الناس وامنية حياتي اني لما اموت .. العالم كله يعرف ان هشام الجخ مات

صور هشام الجخ





اضغط هنا لتكبير الصوره

وعن نفسي بحس أنو اشتهر أكثر مع الثورة المصرية وخصوصا إن شعروا معظموا ثوري
وحماسي وكمان متحرر من قيود السلطة والخوف منها
يعني برأيي جريئ جدا بأشعاره


التوقيع
اضغط هنا لتكبير الصوره
إرفعوا أيديكم عن شعبنا
لا تطعموا النار حطب
كيف تحيون على ظهر سفينه
وتعادون محيطاًمن لهب .. ؟؟]
ألحان العودة غير متواجد حالياً   رد مع اقتباس
قديم 10-12-2011, 06:20 AM   #2
-||[كبار الشخصيات في المنتدى]||-
 
الصورة الرمزية ألحان العودة
 
تاريخ التسجيل: Jun 2008
المشاركات: 4,201
مقالات المدونة: 9
معدل تقييم المستوى: 17
ألحان العودة is on a distinguished road
افتراضي


القصيدة الأولي فلنبدأ ......


ن حال مصر


شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله



===========






التوقيع
اضغط هنا لتكبير الصوره
إرفعوا أيديكم عن شعبنا
لا تطعموا النار حطب
كيف تحيون على ظهر سفينه
وتعادون محيطاًمن لهب .. ؟؟]
ألحان العودة غير متواجد حالياً   رد مع اقتباس
قديم 10-12-2011, 06:22 AM   #3
-||[كبار الشخصيات في المنتدى]||-
 
الصورة الرمزية ألحان العودة
 
تاريخ التسجيل: Jun 2008
المشاركات: 4,201
مقالات المدونة: 9
معدل تقييم المستوى: 17
ألحان العودة is on a distinguished road
افتراضي


ادينى نجحت .. وشمتت فيا البوبات
ادينى نجحت .. وشمتت فيا البوبات
والمدرج والسلالم.. والحيطان قالت يا عالم
بكره حنشوف منه تانى.. ولا غار وارتحنى منه
بعد ما طال الانتظار
دار الضيافه.. علقت زينه بسرينه
والمسرح الى يدوب عرفنى مرتين
عامل فرح ....هشام نجح
وارتحنى منه ومن كلامه ومن قصايده ومن اللومان الى يوماتى بينفتح
هشام نجح
ونجاحه عبره وموعظه ودرس انشرح
اسمع واعى
يا كل طالب فى النشاط الجامعى اسمع واعى
كان فيه هنا واد اسمرانى المعى ..عمللى فيها الاصمعى
وكتب قصايده عالورق وكتب حياته عالورق
يا جامعه مليانه ورق
اهه لما قالوا انه نجح
قفلوا ملفه وكفنوه من غير ما حتى يتنعى
فا سمع واعى
جانى الخبر وانا فى الصعيد فاكرينه بشره
ماقدرتش استنى لبكره
كانت ساعتها الشمس لسه يادووب بتطلع
وانا جاى الصبح وحدى
لسه واصل مالسفر والدنيا برد
الدموع دفتلى خدى
قلت انط السور الم سنينى من جوا
السور غبى مارضيش يخلينى اعدى
سور الرعايه عشان جديد مافهمش قصدى
كل حاجه فيكى يا جامعه فرحت
لما قالوا انى نجحت
انا الوحيد الى ادبحت


التوقيع
اضغط هنا لتكبير الصوره
إرفعوا أيديكم عن شعبنا
لا تطعموا النار حطب
كيف تحيون على ظهر سفينه
وتعادون محيطاًمن لهب .. ؟؟]
ألحان العودة غير متواجد حالياً   رد مع اقتباس
قديم 10-12-2011, 06:27 AM   #4
-||[كبار الشخصيات في المنتدى]||-
 
الصورة الرمزية ألحان العودة
 
تاريخ التسجيل: Jun 2008
المشاركات: 4,201
مقالات المدونة: 9
معدل تقييم المستوى: 17
ألحان العودة is on a distinguished road
افتراضي


منطقي
هشام الجخ

منطقى


لما يبقى يتيم و أميّ و يبقى سيد العالمين


منطقي الحساد هتكتر و العدا و الكارهين


و اللي هيقولك دا شاعر


و اللي هيقولك دا كافر


و اللي يكتب و اللي يرسم


و اللي يكدب و اللي يشتم


هي غيره ..


هي غيره ..


زي غيرة الوليد ابن المغيره


مش كان هيسلم ..


بس حاجه في نفسه حكّت


كبره خلى نفسه شكّت


أصل داء الكبر دا أكبر خطر


بس يعني الجنه تعمر وحدها


حبه في الجنه و نعيمها .. و حبه في سقر


منطقي


و منطقي لما يبقوا المسلمين حالهم كده


تطلع ضوافر للعدا


التوقيع
اضغط هنا لتكبير الصوره
إرفعوا أيديكم عن شعبنا
لا تطعموا النار حطب
كيف تحيون على ظهر سفينه
وتعادون محيطاًمن لهب .. ؟؟]
ألحان العودة غير متواجد حالياً   رد مع اقتباس
قديم 10-12-2011, 06:34 AM   #5
-||[كبار الشخصيات في المنتدى]||-
 
الصورة الرمزية ألحان العودة
 
تاريخ التسجيل: Jun 2008
المشاركات: 4,201
مقالات المدونة: 9
معدل تقييم المستوى: 17
ألحان العودة is on a distinguished road
افتراضي


قصيدة (مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار
مش كفاية
لو عايزِنى مرة أخضع .. غيرونى
شوفوا يمكن لو ده ينفع .. بدلونى
ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية
موتونى ألف مرة
غصب عنكم بلادى حرة
وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية


التوقيع
اضغط هنا لتكبير الصوره
إرفعوا أيديكم عن شعبنا
لا تطعموا النار حطب
كيف تحيون على ظهر سفينه
وتعادون محيطاًمن لهب .. ؟؟]
ألحان العودة غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصر هشام في أريحا معلم أثري مهم من العصر الأموي الإسلام رباني منتدي السياحه (رحلات وسفر) و المغتربين 4 09-16-2020 08:49 PM
ديوان الشاعر ثامر شبيب 2011 وليد الرشيدي منتدي الدواوين الشعرية 2 12-26-2016 12:50 PM
الحامل والحج , هل الحج يضر الحامل ؟ , آثار الحج على الحامل محمص القلوب منتدي عالم المرأة 1 12-30-2013 10:22 PM
منتج الفيلم المسىء للنبى يؤدى فريضة الحج ويعد بفيلم عن أخلاق الرسول د/روليان غالي المنتدى السياسي والاخباري 2 10-20-2013 11:22 AM


الساعة الآن 08:18 PM.


Powered by vBulletin® Copyright ©2000 - 2021, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.