تخيل فتو تسوق سياره !!!?

[دنيا المشاعر]

قصه من الواقع نسجتها بخيالي وتوقعاتي قد اكون اصبت وقد اكون اخطئت فألتمسوا لي العذر يا رائعين ......

فتحي رجل متفاهم عاقل ورزين تزوج من فتو قبل ثلاثين سنه وكان عايش هو وياها في الرياض بحكم عمله ولأن ربي مارزقه عيال اضطر انه يعلم فتو السواقه بحجة لاسمح الله صار له شي وهما بالطريق تكمل فتو المهمه وتوصله لأقرب نقطة تفتيش ..... هذا الطريق اللي كانوا كل اجازه يقطعوه وصولا الى جده مسقط رأسهم .... تعلمت فتو السواقه وصارت سواقه ماهره وكل خميس تلاقيها بالثمامه خمسات وتفحيط على كيف كيفك ....

كبر فتحي وتقاعد مبكر وقرر يرجع لأهله وناسه لم عفشه وطيران عالعروس
مرت حياتهم بهدوء وسلااام حتى جاء القرار

„ السمااح للمرأه بقيادة السياره„

فتو من فرحتها تشقلبت وكسرت لها ضلعين وفتحي من همه نزلت دمعته على خده
ومن هنا بدأت المفاوضات والتنازلات فتو تبغى الرخصه وفتحي يضيع السالفه ولأن كيد الحريم عظيم وافق فتحي على مضض وودى فتو تقطع لها رخصه السواقه طبعا نجحت في إختبار القياده وأخذت الرخصه والغصه في حلق فتحي متعلقه ....
انتهينا من الرخصه وجاء دور السياره يحاول فتحي يقنع فتو بأنه يكون لهم سياره وحده فتو ترفض وتدخل في مهاترات وجدال وتصر عالسياره وبحكم العشره والملح والعيش يجيب فتحي السياره ويريح باله اللي بالفعل ماراح يرتااح ..... ياحظه وياهناه

انقلبت الحياه وتغيرت المفاهيم وبدأت الحوسه الحقيقه وينك يافتو بجيب خبز وين رحتي ياحرمه بغير الغاز

لا الحمد الله السواقه لحد الآن في صالح فتحي هيا اسابيع بس ويتشقلب الحال ....

فتو في السوق فتو عند جارتها فتو عندها كشته عالبحر فتو بتمر صاحبتها يروحوا العرس
لاحول ولاقوة الإ بالله يارب مشي الحال ويسر

فتحي الو فتو وينك صار ليا ايام ماشفتك
فتو مشغوووله مشغوووله
فتحي بأيه مشغوله
فتو لحطه عشان تعرف وترفع السبيكر ويالله يابنات بصوت واحد
” نريد الغاء العنصريه نريد الغاء العنصريه "
اي عنصريه يافتو الله يهديك
ايوه يافتحي مطالبنا محدده وواضحه اولا تغير اسماء والوان محطات البنزين ثانيا تغير العماله الاجنبيه واستبدالهم بالسعوديين العاطلين عن العمل وهذاضمن سعوده
واخيرا تحديد احدى المسارات ليكون خاص بالنساء وبس مانبغى اكثر
فتحي وتنهيده طالعه من قلب والله حريم اخر زمن يقفل الخط ويقرر يروح لاصحابه يغير جو ويفلها وربك يحلها ..... وهو في الطريق وتحديدا عند احدى الدوارات صار فيه لخبطه مو طبيعيه ناس بتزمر وناس نازله تصارخ وتتلفظ وناس ميته ضحك
اش السالفه ياعالم حرمه تبغى تلف على الدوار ماعرفت
يالله بهذلونا هالحريم وضحكوا العالم علينا ماعلينا يكمل فتحي مشواره ويوصل الكافيه متأخر يلاقي ابو عصام وابو خالد
ابو عصام ماسك الآله يحسب وابو خالد بيدور في الجريده على غير عادته سلم فتحي وجلس
هات الاخبار والعلوم
خير يا ابو عصام عسى ماشر
خليها عالله يافتحي
اش فيك يا بويا قووول
ام عصام الله يسامحها
ايش فيها
تبغاني اعمل لها موقف لسيارتها قال ايه قال بتخاف على سيارتها من الشمس ومو خايفه عليا من الدين والبهذله ..،،

وانت يا ابو خالد على ايش بتدور
بدور على سياره لام خالد اصلها مخيرتني ياسياره يا طلاااق

ياهوه ياعالم اشبنا قلبنا كذا معقوووله لالا مو مصدق
هذا هناك يتسلف لان زوجته تبغى تغير لون سيارتها
وهذاك قاعد يبوس يد عمه ويترجاه عشان يلغي شرط السياره من عقد الزواج وهذاك تجنن وصار يكلم نفسه من حقه دينه اكبر منه ...... والمصيبه فتو اللي كل يوم بمخفر مره صادمه شجره ومره هادمه جدار واحيانا متلفظه على شاب وقف سيارته بجنبها او شاب يوزع نشرات واعلانات على بالها يرقمها والاعظم من كذا سااااهر اللي مسهرنا وذابحنا ومع فتو موصلنا الوووف
خلاص خلاص فتحي راح يموووت ومع يموت يصحى فتحي من هادا الكابوس ..:,

ويلف يمين وشمال فتو وينك لاتخلي الحلم واقع فتو فتو قام ينادي ويدور

فتو داخله من الباب بس قالت سلااام وبيدها المفتااح
فتحي طاح من طوله
فتو مفجوعه كل الحكايه كنت ازور منوله ومفتاح السياره معاااي لأن فيه مفتاح الشقه
فتحي اصحى تكفى تكفى



ومازال فتحي في غيبوبه ومين يدري متى راح يصحى منها
ا ....،،.،



اذا اعجبتكم الحكايه واللي هيا بلهجه خفيفه وبعيده عن اللفصحى لاتنسوا الردود والتقيم

[قلبي مسروق]

هههههههههههههههههههههههههههههههههـآآي

كل هذي البهذلـة من سوآقتنــآ ×_×

والله مــآ ينفع نسوق .. مـآ أقنعني إلآ هذآ العــآلم البريطـآني

شوفي إيش قـآيل عنــآ :




دراسة بريطانية أجريت مؤخرا" <المرأة السعودية> على أنها ثالث
أجمل امرأة في العالم بعد المرأة المجرية والمرأة البولندية.

واعتمدت الدراسة في إعلان هذه النتيجة على الرقة التي تتمتع بها الفتاة السعودية وكميه الحياء التي تبدو ظاهرة في تصرفاتها.
إلى جانب قدرتها الفائقة على التفاعل مع الموضة دون أن يفقدها ذلك شيئا" من حشمتها..
ولم تغفل الدراسة ذاتها الإشارة إلى جمال المرأة السعودية
واعتبرته سرا" من أسرار انجذاب الرجال إليها فضلا" عن الحنان الوافر الكامن في قلبها الذي يمدها بطاقة حب كافية..!
::
توصلت دراسة من مركز ستارش البريطاني للأبحاث العالمية إلى أن السعوديات هم أكثر البنات دلالا" واحتراما" على مستوى العالم ..

حيث تمت الدراسة بناءا" على عدة أمور منها:
أن الفتاة السعودية تلبى طلباتها بدون عناء ،، وأن الفتاة السعودية دائما" يقوم أحد بخدمتها ،، إضافة إلى أنها ليست بحاجة إلى عمل فمصروفها متوفر لها من أولياء أمورها دون الحاجة للعمل ،، وأن اهتمامهم بها منذ الولادة وحتى وفاتها يدل على احترامها ..

ووصف الباحث الفتيات السعوديات بأنهن ((( ملكات العالم ))) ،،

ويقول أن الملكة لا تقود السيارة بل الخدم من يقوم بذلك فالفتاة السعودية مثل الملكات تماما" ،، ((أجل إذا كان كذا لا للقيادة للنساء ))

كما أنه لا يمكن أن يراها إلا قريبها المحرم فهي جوهرة ..
وتمت الدراسة على الاعتناء بالرشاقة وحسن المظهر واهتمام الفتاة السعودية بجمالها ،،
حيث يقول السيد كريستوفور جولايل:أن السعوديات الأجمل ،، فهن متحجبات ولا يمكن للشمس أن تؤثر على وجههن وأجسامهن الطبيعية على مستوى العالم ..
لذلك تمت إضافة نسبة الجمال إلى البحث والدراسة الذي حازت عليه الفتيات السعوديات تحت مسمى:

(( أكثر بنات العالم دلالا" واحتراما" )))


وحشتني قصصك حيـــآتوو

ودي لـ روحك ..//~

[Zied Hammami]

ههه


قصة خفيفة وطريفة

واضافة رائعة من الاخت قلبي مسروق

الله يبارك فيكم ويجازيكم كل خير


تقبلي مروري

[إِنْكِسَآرْ]

عزيزتي
" دنيا المشاعر "
اطراء طريف ، من شخصية انارت المنتدى ،
كم لهفناا الى مواضيعك الذي تزيدنا القاً وجمالا
كلمات نثرت هنا
بكل أناقة وإتقان
فتهادت الروعة بتفنن اقلامكم الراقيه
كُونوا بخير

[jusT sMil]

هههههههههههههههههه

قصـه جداً ضريفـه

..

سلمت الايادي ع القصه

..

تحياتـي ..