قصه املي روز قصه واقعيه

[سعودي!]

السلام عليكم ورحمة الله وبركاته

وانا بتصفح النت اليوم شفت قصة بالانجليزي الشهيرة طبعن حقت emily rose / ايميلي روز

دي القصة عن البنت الي وقعت ضحية على يد 6 من الجن والعياذ بالله ،،

،،

طبعن قريتها كاملة وترجمتلكم هيا


وطبعن في ناس عملو ابحاث ومقالات مشهورة عن البنت دي وطبعن الفلم المعروف المقتبس من دي القصة لكن في تخاريف شوية من عندهم




يلا نبدآ القصة

ايميلي كانت زي اي بنت عادية و جا وقتها انها تخش الجامعة ولمن راحت هناك تسكن طبعن في سكن الجامعة كانت تقريبا لحالها في الغرفة والكل نايم

صحيت على الساعة 3 ( ساعة وقوظ الجن والعياذ بالله ) وشمت ريحة شيء بينحرق جالسة تتبع مصدر ريحة الحريقة قربت وقربت لمن وصلت عند

الشباك شافت شخص لابس روب اسود ومغطي وجهو والقا التحية لها بيده بس ما اتكلم بعدين ايميلي داخت ويغما عليها ،،

لمن صحوها في المستشفي شافو بؤبؤ عينها كبير واسود وناس قالت سبب الإغماء هوا دخول الجني فيها ،،

بعد ما ايميلي دخلت المستشفى كدا برضو نفس الشيء الساعة 3 وشمت حريق في المستشفى الكلام دا

بعدين طالعت في الطاقة لقت انعكاس طير البوما ولمن دارت وجها شافت نفس الشخص لابس الاسود ومغطي وجهو ويغما عليها تاني وتزيد حالتها

العلماء قالو الجن كلهم اتجسدوا نفس الشكل يعني مغما عليها عشان التاني دخل فيها ،،،

وسار كدا يمكن 6 مرات تشوف الشخص دا ويغما عليها

هدا عشان ضعف الايمان والاحباط و البؤس عشان كدا الجن استهدفوها بسهولة ،، ( الحمد لله اننا مسملين والله وايماننا قوي )

بعدين خرجت من الجامعة جلسوها في السرير يمكن مدة تقارب من 6 الى 9 شهور

اهلها جابو طبيب نفسي حسبوها مختله عقليا عاجلها يمكن 2 شهور ومافي نتيجة الاهل استغربو ،،

بعدين في راهب سمع ايميلي تصرخ في غرفتها وطبعن من نوع الصريخة عرف انها فيها جن

بس ودق الباب للأهل وفكو وقالهم ابنتكم كدا كدا كدا و صرخو عليه وكادو يطردوه راح جا قلهم خلوني اثبتلكم

وجاب الموية حقتهم المسيح ورشها عليها جلست تنحرق كلو واحد حط سيجارة عليها يعني حرقة بسيطة بس دخاان

(معلومة / الجني المسيحي يكره الاشياء المقدسة حقتهم - الجني اليهودي يكره الاشياء اليهودية المقدسة لكن ما يروحوا منها زي آية الكرسي )

بس والاهل صدقوا وقالو يبغو يعملولها exorcism ( طرد الجن من جسمها ) وبس وبدأ الراهب يحضر نفسو وجا يوم تاني

ينفذ عملية الطرد وجلس يرش الموية ويقري الاشياء حقتهم ديك والبنت تضرخ مقتبس منها :- im the one who dewils whin

والله مااعرف معناها تمام بس يتهيألي انا الي راكبها مدري حاجا زي كدا ياريت واحد خبير انجليزي يترجم لنا هيا

المهم وجالسة تعد من 6 الين 1 بالعكس ورا بعض تردد وكل شوية الراهب يسأل الجني الي جوتها تجلس تصرخ تقول ( nooooo )

وترد الارقام تاني بالعكس

وكانو طبعن رابطينها واابوها واخوها جالسين يتفرجو مع الطبيب النفسي

شوية والبنت قطعت الحبل وجالسة تمشي زي الحيوانات وتجري وكسرت الشباك وشردت راحت للحظيرة حقت الحيوانات حقتهم

ولمن دخلت كل الحيوانات جلست تصرخ لانو الحيوانات تشوف الجن والعياذ بالله

بعدين لحقوها كل الي كانو يتفرجو والراهب كمان جلس يرش الموية ولسا يمارس الطقوس حقت المسيح والبنت تصرخ

اقتباس للمحادث "ـ

الراهب / for the name of god and zeus crise طبعن الكلمة دي حرام رجاء لحد يقولها

ايميلي / noooooo am the one who dwils whin

الراهب / for the name of god and zeus crise tell me your name

ايمليلي / one two three four five six

الراهب / for the name of god and zeus crise tell me you six names

ايميلي / we are who dewils whin



بعدين كل جني قال اسمو في نفس الوقت اتخيلو من فم واحد 6 يهرجو

والله نسيت الاسماء بس يتهيآلي فاكرها بالانجليزي jedus / bilail / nero

يوداس / نيرو / بلايل ( المسيح عندهم بلايل كبير الجن زي ابليس )


والله ما افكرت غير دول سوري


نكمل لمن صرخت البنت وصرخت واغما عليها

طبعن الجن ما خرجو بس جسمها ما قدر يستحمل وحصوها في السرير ،، اللية الي بعدها جاها واحد في المنام لابس روب ابيض وقلها ايميلي اختاري

تجي معايا وتتخلصي من العذاب دا للأبد ولا تبقي وتكوني عبرة على الناس عشان يشوفو انو في جن في الحقيقة ( دا المقطع من القصة شاكك انو خرشة )

بعدين ايميلي فكرت وفكرت قالت واقتباس i chose to stay انا اقرر البقاء في جسمي

بس وصحيت وجلست تتعذب سنوات سنوات لمن ماتت

والراهب اخذو للمحكمة انو قتل ايميلي بالطقوس حقتو

بعدها سارت قصة ايميلي عبرة للناس ، كلهم من انحاء البلاد سارو يروحو قبرها يتعبدو عشانهم مغفلين

العياذ بالله من الشرك


وفي الختام احب اقولكم انو العلماء والاطباء قالو سبب موتها هوا / اختلاط الادوية مع ممارسة الexorcism واثر عليها لانو الدوا فيلو مخدر وهيا ضعفت و بكدا الجن ما تقدر تطلعهم

ولكن كلهم اتعمو بالحقيقة الجن ما قدروا يطلعو لانها فقط كلمات اذاتهم لو واحد فكر وراح حصن البنت او قري اية الكرسي كان خرجو في اقل من 10 دقايق

بس ايش نسوي كتير ناس اتعمو عن الاسلام فسارو يخرفو اشياء من عندهم

انشالله تكون اتعلمتو اشياء منا لقصة حبيت ازود من عندي اشياء الموقع دا جابها ناقصها

لحد يخاف هااا ترا دي مرعبة للكفار يب لكن لنا مرررة ولا شي الحمدلله عندنا رب يحمينها

[روحـي((M))تحبـك]

إيه صادق عنا رب يحمينا
الحمدلله على نعمة العقل
الي خلان نفرق بين الصح والخطاء
والحمدلله على كل شيئ
مشكور اخي على موضوعك المفيد

[إِنْكِسَآرْ]

لا شيء يجعلني أندهش ..!!
كلمــــــات تقتفي أثر الكلمــــــات السابقـهـ ..
إبداع تلو إبداع ..
لـــ يصل مباشرة إلى هنــــــاك ..!!
ولكن تُنقل للقسم المناسب

[سعودي!]

ماكنت ادري انوفي قسم للروايات !!

[قلبي مسروق]

تسلم أنــآملك

جد قصـة تبين وجود الجن في حيـآتنـآ

وإحنـآ أصلآ في أمــآن مو زيهم

يعطيك العــآفيـة

ودي..///~