قديم 06-01-2007, 10:57 PM   #1
-||[قلم من الماس]||-
 
الصورة الرمزية أوراق العمر الضائع
 
تاريخ التسجيل: Feb 2007
المشاركات: 677
معدل تقييم المستوى: 15
أوراق العمر الضائع is on a distinguished road
افتراضي نفيدكم علماً بأن الموضوع ده هيبقى فيه ضرب نااار


اضغط هنا لتكبير الصوره

اضغط هنا لتكبير الصوره

إخواني وأخواتي ..

نفيدكم علماً بأن الموضوع ده هيبقى فيه ضرب نااار

اضغط هنا لتكبير الصوره

فعليكم بالصبر والصدق مع النفس ولبس خوذة الحياء

وفكرة الموضوع ده حق محفوظ لأختي في الله إيمان
وبالمناسبة هي أكتر واحدة شجعتني على جمعه وطرحه
وإن حصل فيه ضرب فأنا غير مسؤولة

فبالله عليكم محدش يزعل .. لأني والله مش قاصدة حد
أنا قاصدة كل المسلمين .. وعلى رأسهم الملتزمين

واسمعوها مني كلمة .. وما تستهونوش بواحدة صغيرة زي حالاتي
أنا جاية أحكيلكوا على حكايات كل يوم بنسمع عنها ومش واخدين بالنا منها
ولا مدركين أثرها على نفسنا وعلاقتنا بربنا وبالحياة حوالينا والمستقبل اللي بيستنانا

الحكايات دي حصلت مع بنات اتمدنوا زينا كدة ودخلوا ع النت .. وشباب كمان
كان الجدع من دول يدخل ع النت وقلبه بيدق وبيدعي ربنا

يارب ألاقي حبيبتي أون لاين .. قصدي أختي أون لاين

تعالوا بقى نشوف السيناريوهات اللي بيعملوها الشباب ع البنات
والبنات ع الشباب أون لاين ونشوف إيه آخرة اللي بيحصل
اضغط هنا لتكبير الصوره
يفتح الستار

الشاب من دول يدخل المنتديات أو ( المدونات ) ويكتب بقال الله وقال الرسول
وأختي الفاضلة .. وأختي الكريمة
وإحنا بقى يا بنات نشتغل
جزاك الله خيراً يا أخي ، جعله الله في ميزان حسناتك

شوية وينشن أخونا ده على واحدة حسب مزاجه بقى
في الرقيقة وفي المشاغبة وفي الحونينة ! وفي الجامدة قوي
واللي بيحب يتحدى نفسه ويسيطر على مشاعر النوع الأخير ده من البنات
يبدأ برسائل خاااصة للبنوتة دي

والله دي وصلة موضوع ليا أبقى سعيد لو علقتي عليه يا أختي الفاضلة

شوية .. ونلاقي البنت دايرة ورا مواضيعه وبتتابع كل نفس ليه أو تعليق
وانجذبت ليه .. ما هو متديييييييييين بقى وعارف ربنا

شوية ويقولها : ده إيميلي يا أختي لو تحبي تضيفيني على الماسينجر
ونكمل حديثنا عن الموضوعات الدينية والفكرية اللي بطرحها

وهنا بقى لو فرضنا إن البنت دي من البنات اللي ماسكين نفسهم شوية
وقالتله : أنا مستحرمة أتكلم ع الماسينجر وكدة

يبدأ بقى السيد الحاج المتأبلس بإقناعها كالتالي :
يعني ما كلامنا ع المنتديات والمدونات زي الماسينجر برضه
دا أنا روحت دار الإفتاء بنفسي وسألتهم وقالولي مدام الكلام محترم
والحديث في كلام عادي ولا يتطرق لكلام رومانسي أو على الحياة الشخصية
خلاص مش حرام !!

تقوم البنت تصدقه .. وتصدقه لحالتين

إما أنها ثقافتها الدينية والتزامها مش ولابد وهي واثقة فيه ثقة عمياء
علشان هو متدييييييييييين وطبعاً الدنيا في النت ضلمة
واما لأن هواها جاااي على كلامه وهي بتتلكك من الآخر وعايزة تكلمه
بسبب الميل الطبيعي بين الجنسين .. الشباب والبنات يعني
اضغط هنا لتكبير الصوره
ويبدأ الكلام
الأول يكون بالألقاب أختي الفاضلة ، أخي الفاضل .. متنشيين يعني
اضغط هنا لتكبير الصوره
ويكون الكلام إيه رأيك في الموضوع الفلاني والرأي العلاني
وبعدين بما إن أخونا عارف إن البناااات ناقصات عقل بسبب عنصر العاطفة اللي بيتغلب عليهم
فيبدأ يدخل للغلباااانة من هنا
دا أنا النهاردة مخنوق ومش قااادر أتكلم .. تعبان في حياتي
ولا أنا أخويا ماااات وأنا صغير وحااااسس بالحرمان بعديه وماليش حد أشتكيله وافضفضله
وببعض الحديث الدرامتيكي بقى على حبة أفلام هندي من اللي انتوا عارفينها
تقوم تبدأ البنت تحن بقى .. ويبدأ الخضوع بالقول .. قصدي المواساة
معلش يا فلان ربنا يصبرك .. طب لعلمك بقى أنا كمااااااان
حصلي استبحس في قفايا وأنا صغيرة والدكاترة مش لاقينله دوا لغاية دلوقتي اضغط هنا لتكبير الصوره
اضغط هنا لتكبير الصوره
وخطوة بخطوة .. تتشال الألقاب وندخل في الحياة الشخصية
أحكيلك وتحكيلي .. وأقولك وتقولي ..
وأنا والله ارتحتلك ربنا يكرمك ويجعله في ميزان حسناتك
وبعديييييييين !! يقولها إيه ؟؟
بصوا بقى كويس وركزوا في الكلمة دي

إني أحبك في الله ، هههههههه ، شايفين اللعب على أصوله
طبعاً ما هو الأخ ملتزم
وساعات بقى لما تزنق معااااه قوي يقولها إني أحبك جداااا في الله
اضغط هنا لتكبير الصوره
شوفتوا بقى كلمة "في الله" اللي لزقينها دي
!!!
طيب عايزين يحبوا بعض مع ألف سلامة بس ما يتمحكوش في الدين بقى وفي الله
وإني أحبك في الله ، ما تقولها صراحة وخليها عالمكشوف اشمعنى في الله يعني
يقولك يعني علشان كدة يبقى ثبت البنت يعني .. هي هتقوله عيب ليه مثلاً
دا حتى بيقولها في اللــــه
ولو اعترضت بقى يقولها ده الرسول صلى الله عليه وسلم حتى لما كان الصحابي واقف جنبه
ومر راجل تاني من أمامهم فقال الصحابي لرسول الله صلى الله عليه وسلم إني أحب هذا الرجل
فقال له رسول الله صلى الله عليه وسلم : وهل أخبرته ؟ قال : لا ، قال : فاذهب فأخبره

وأنا دلوقتي بخبرك يا حبيبتي في الله اضغط هنا لتكبير الصوره إبليس مش بقول لكم
يزين له الشيطان سوء عمله .. ويزين للبنت كمااان سوء عملها
بس البنت هنا بتعاني من أكتر من ضغط .. ضعفها الطبيعي وعاطفتها ، زائد هوى النفس ،
زائد وسوسة الشيطان ، زائد وسوسة إبليس اللي هو يعني صاحبنا
اضغط هنا لتكبير الصوره
أما صاحبنا فعنده هوى نفسه ، ووسوسة الشيطان بس
الضغط قليل شوية علشان كدة بيعرف يخطط كويس ويدبر منين يوقع فريسته
المهم يستمروا ، وبعدين ييجي يقولها لو غابت كام يوم عنه ما كلمتهوش ع الماسينجر

إنتي غبتي فين ؟؟ دا أنا قلقت عليكي قوي والله ! طيب ممكن أطلب منك طلب لو سمحتي

شوفوا الأدب بقى ! شوفوا الأدب واتعلموا اضغط هنا لتكبير الصوره فالبنت تقوله : اتفضل
بنت مؤدبة .. مؤدبة يعني !! يقولها إيه بقى ؟؟

ممكن رقم تليفونك علشان بس لو غبتي أقدر أطمن عليكي مش أكتر صدقيني
وممكن كمان نبقى نصحي بعض في صلاة الفجر .. ونعين بعض على قيام الليل
ولو مش عايزة خلاص واعتبريني ماقلتش حاجة .. ودي حريتك وأنا بحترمها جداً
!!!!
تقوم البنت برضه تكابر وتقاوم في البداية .. وتقوله حراااام
يقولها هبعتلك رسالة عليه بس !! مش هتكلم صدقيني
تقوله آآآآه .. لو رسالة بس .. ماااااا!! ماشي
وتلاقيه تاني يوم يتصل بيها .. إذا ماكنش في ساعتها ويبدأ أخونا بقى في النحنحة
نحانيحي نحانوحو اضغط هنا لتكبير الصوره
اضغط هنا لتكبير الصوره
ولو اعترضت البنت برضه يقولها : يعني انتي مش بتكلمي البياع اللي بتشتري منه مثلاً
ما بتطلبيش طلبااااتك من السوبر ماركت بالتليفون ولا إيه اضغط هنا لتكبير الصوره
ومش برضو انتي في جامعة .. يعني بتكلمي زمايلك لما تحتاجي منهم حاجة ساعات
ما دي زي دي .. ولو البنت كابرت برضو بصوا بقى للكلمة الجاية دي
دا لو زنقته يعني وجابتله بقى حديث أو آية بتعارض اللي بيقوله ، فيقولها إيه

استفتي قلبك .. يا سلاااااااااام سلم ع اللي بيتكلم ، استفتي قلبك يا حونييييييييييييين
اضغط هنا لتكبير الصوره
يقولها ما هو قلب المؤمن دليله .. دليلي احتاااار دليلي احتااااار على رأي واحدة زيهم

وبرضو لأن هوى البنت جاي مع الكلام وكل اعتراضاتها كانت من نوع حلاوة الروح
يعني ضعيفة من أساسه وبتفرفر من الشبكة اللي حوطتها بيها .. فتتكلم
!!!
بس بقى
ويبقى مش فاضل غير إنه يكلمها ع الكاميرا أو يشوف صورتها ويبعتلها صورة
وكدة بقى .. بحجة برضو : مش عايزة تشوفي أخوكي شكله إيه ؟؟
ممكن أشوف أختي شكلها إيه !! ما هما أساساً إخواااااااااات في ميييييييين ؟؟؟
في الله .. في اللـــــــــــــــــــــه ، أوعوا تنسوا .. برضو بيتمحكوا مفيش فايدة
ويكمل بقى : احنا اتفقنا إن احنا أخوة في الله ما تخافيش مني ده أنا أخاف عليكي أكتر من نفسي
وهكذا دواليك .. وتقنع البنت نفسها إنه أخوها يا عيني في الله
وهي أخته برضو يا عيني في الله .. غلااااااابة غلابة الجوز والله
اضغط هنا لتكبير الصوره
وبعدين تقع في حب أخوها في الله .. وتتعلق بيه ..
ووالله أعلم هيقف الموضوع لحد كدة ولا هيكمل في سكك تانية
وفي جميع الحالات نهاية السكة دي غالباً بتبقى "أمك في العش ولا طااااااااارت"

وتتفاجأ بقى إن صاحبنا مش حاططها في دماغه أصلاً .. وكان مجرد بيلعب بيها وبعشرة زيها
وجوااااااااااز مين يا ماما اللي بتقولي عليه .. أنا ما اتجوزش واحدة كلمتها ع الماسينجر وكلمتني
اضغط هنا لتكبير الصوره
ما اللي يخليكي تعملي كدة معايا .. هتعمليه مع غيري
ولو واجهته بالكلام بتاااعهم الأولاني يطلع نفسه زي الشعرة من العجين
وتطلع البنت في الآخر هي اللي فهمت قصده غلط وإنه ما كنش يقصد .. وإن تفكيرها سطحي
وبتسئ الظن بالناس وإنه غلبااااااان وطيييييييييب وعارف ربنا وإنها بتفتري عليه منها لله

لأ كمان .. ده ممكن يطلع متجوز بقى ويعيش عليها ويقولها إنه عارف إنها بتحبه وقال لزوجته
وزوجته قالتله براحة شوية ع البنت بلاش تقولها إنك متجوز !! علشان ما تتصدمش
وعلشان كدة هو كان هيقولها على كل حاجة بس هي اللي ما صبرتش واتهمته بإنه لعب بمشاعرها
ما الحكاية أصلها كلها هجص من الأول فمش فارقة بقى
اضغط هنا لتكبير الصوره
وهكذا لنهاية المشهد ويسدل الستار على بنت وشاب احتقروا نفسهم وقلوا من قيمتهم
وعصوا ربنا وخاااانوا الأمانة
يا شبااااااااب ويا بنااااااااات مفيش حد معصوم من الخطأ كل بني آدم خطاء
وخير الخطائين التوابون
يا شاب يا اللي بتضحك على نفسك وفاكر نفسك ملاك أو على الأقل صحابي
فوق لنفسك واعرف قدرك
أو يا اللي بتتسلى على بنات الناس خليك راجل بقى
و تحمل تصرفاتك و اعرف إن عندك أخت و لا بنت ولا زوجة و لا أم ، تخاف عليهم
و تتقى ربنا فيهم
أي بنت ضحكت عليها في يوم صدقني هتتردلك فى بناتك أو في أختك
مش بعيد فى الوقت اللى بترسم فيه إنك توقع بنت ،
تلاقى أختك مع راجل برضو بيرسم عليها علشان يوقعها
وأنت مش شايفها و لا هى شايفاك لكن ربنا شايفكم كلكم
وتجارب الحياة طافحة بالأمثلة دي
مش خايف من ربنا ؟؟
مش خايف تيجى فى يوم تلاقى واحد بيكلم مراتك عالتيلفون
و لا على الشات و لا على اى حاجة؟؟
مش خايف ربنا يقبض عمرك و انت بتتكلم فى اللحظة دى معاها
و تبعث يوم القيامة على نفس وضعك دة ؟؟
هتقول ايه لربنا ساعتها ؟؟
يابنااااات أهاليكم واثقين فيكم وجايبين لكم الموبايل و لا الكمبيوتر
علشان تستفيدوا منه أو ترفهوا بيه عن نفسكم
وواثقين إن بنتهم بعيدة عن الشبهات و انهم أحسنوا تربيتها ،
تيجى فى الأخر و تبقى اقل من ثقتهم فيكى
تيجى فى الاخر و تخونى الأمانة
الأمانة شئ عظييييييييييييييم و الحساب على تضيعها عسييييييييييييييييييير
وقتك امانة .. نظرك امانة .. سمعك أمانة
كل ذلك كان عند الله مسئولا .. و هتحاسبى عليه
أمك وأبوكي مش شايفينك و انتى بتكلمى فلان ولا علان بس ربنا شايفك و مطلع عليكي
بتخافى من دول و مش خايفة من ربنا
اضغط هنا لتكبير الصوره
اتقوا الله .. اتقوا الله .. اتقوا الله
وكفانا معاصى .. كفااااااانا ذنوب ،
كل واحد يبدأ من نفسه ، ويراجع حساباته مع ربنا
انا بقولكم الكلام ده لأنى زعلاااانة جداً من الحكايات و الروايات اللى بتتحكالى
و اللى بشوفها قدامى
بقولكوا كدة لأنى بحبكم في الله و خايفة عليكم
خايفة على الشباب والبنات من المعاصى و الذنوب
و خايفة على القلوب الصغيرة من الإنكسار
"وسارعوا الى مغفرة من ربكم و جنة عرضها السموات و الأرض أعدت للمتقين"
..
آخر حاجة مش معني كلامي ده إن أي حد يدخل على النت تبقى دي نهايته
النت ده ممكن يكون باب خير كبيييييييييييير
بس والله دي خطوات والشيطان شاطر بيمشينا على مهلنا لحد ما يزحلقنا
وما نقدرش نقوم غير بصعوبة
وعارفين يعني إيه يزحلقنا ؟؟
يعني افرضوا واحد ماشي على أرض مستقيمة
وبعدين الأرض دي بقت منحدرة وناعمة وعليها صابون
مجرد ما ينقل رجله من أرض الاستقامة للانحدار
هيسقط لتحت لتحت لتحت من غير ما يقدر يمسك نفسه
لغاية ما يوصل للقاع .. ويمكن يكون القاع ده مستنقع
اضغط هنا لتكبير الصوره
خطوة .. هي البداية خطوة
علشان كدة الباب اللي يجيلك منه الريح سده واستريح
يعني ما نستسهلش ولا نقول إحنا هنجرب وهنخلي بالنا
" ولا تتبعوا خطوات الشيطان "

مفيش حاجة اسمها أخ ملتزم أو أخت ملتزمة بيكلموا بعض في شاتينج لوحدهم
مفيش حاجة اسمها ضرورة
إيه المانع لما يكون النقاش الضروري ده علني وقدام كل النااااس
ونتقيد بحدود الحوااار بين الطرفين علشان نسد أبواب الشيطان
وقتنا ده غااالي ودعوتنا عايزة ناس هممها عالية ، إسلامنا محتاجنـــا
ليه نشغل تفكيرنا وعواطفنا ووقتنا ونأخر أولوياتنا علشان حاجات تافهة زي دي

فلنُعلي الهمم
اضغط هنا لتكبير الصوره
ويارب ما أكونش تقلت عليكم

وجــــزاكم الله خيراً

اضغط هنا لتكبير الصوره



أوراق العمر الضائع غير متواجد حالياً   رد مع اقتباس
قديم 06-02-2007, 12:32 AM   #4
-||[قلم من ذهب]||-
 
تاريخ التسجيل: Apr 2007
الدولة: في حوشنا
المشاركات: 175
معدل تقييم المستوى: 15
أمــير ألجنوب is on a distinguished road
إرسال رسالة عبر MSN إلى أمــير ألجنوب إرسال رسالة عبر Yahoo إلى أمــير ألجنوب
افتراضي


تبارك الرحمن
ماشاء الله عليك

و الله ما قصرتي
و صحيح ان كلامك صاير

و ربنا يستر

مشكورة على طرحك الرائع

في انتظار الاروع

تحياتي


أمــير ألجنوب غير متواجد حالياً   رد مع اقتباس
قديم 06-02-2007, 07:56 PM   #5
-||[قلم من الماس]||-
 
الصورة الرمزية أوراق العمر الضائع
 
تاريخ التسجيل: Feb 2007
المشاركات: 677
معدل تقييم المستوى: 15
أوراق العمر الضائع is on a distinguished road
افتراضي


أختي الفاضلة " عطر يافا "

ندعو الله ان يهدنا السبيل الأقوم ويطهر قلوبنا ويحصن فرجنا ويغفر ذنوبنا

ونسأله الدرحات العُلى من الجنة

وصلى اللهم وبارك على محمد النبي الأمي وعلى آله وصحبه وسلم

اشكرك اختي على تواصلك الدائم ومرورك الكريم على صفحاتي

تقلي تحياتي ؛؛


أوراق العمر الضائع غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
روايه ((لعنة جورجيت)) $$حبيب حبيبته$$ قسم الروايات المكتملة 42 03-27-2017 04:00 PM
كلمات اغانى الفنان تامر حسنى .... حصريا king of romance منتدي الاخبار الفنية 22 12-02-2016 10:05 AM
هذا حظي من على الدنيا وعيت $$حبيب حبيبته$$ قسم الروايات المكتملة 60 11-18-2016 02:52 PM
احلى النكات عديل الروووووح منتدي النكت و الطرائف - ضحك و فرفشة 4 12-26-2011 12:12 AM
احلى النكت إدخل وماراح تندم راكــد منتدي النكت و الطرائف - ضحك و فرفشة 6 09-28-2008 05:08 AM


الساعة الآن 11:16 PM.


Powered by vBulletin® Copyright ©2000 - 2021, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.