2222

إضافة رد
 
LinkBack أدوات الموضوع
قديم 03-20-2008, 12:40 AM   #1
-||[كبار الشخصيات في المنتدى]||-
 
الصورة الرمزية بتنجانه
 
تاريخ التسجيل: Feb 2008
المشاركات: 607
معدل تقييم المستوى: 15
بتنجانه is on a distinguished road
Unhappy يوميات((انا وحماتى))




ازيكم اخواتى

ان شاء الله هنزل يوميات لقصه ((انا وحماتى))

ويارب تعجبكو

هحط اول حلقه واذا عجيتكو اكملها



الحلقه الاولى



لقد أحببته واصريت ان اتزوجه رغماً عن الجميع انا سلمى وهو يكون أحمد اما هي فتكون أم أحمد حماتي المصون..

رغم كل الصعاب التي واجهتنا انا واحمد بس اتغلبنا عليها وتحديت اهلي واتجوزته وعشت مع اهله وكنت من البداية اخذت

عهد على نفسي ان اعاملهم كأهل و اكتر مع ان البيت صغير والحال على قده لكن كانت لي غرفتي الخاصة طبعاً

واحكيلكم ايه على غرفتي الخاصة دي غرفة جميلة وهاديييية خالص ما كنتش بحس ابداً انها غرفتي الخاصة بل هي عامة

بالأحرى (زي الميدان العام) الكل يدخل والكل ياخد الي عاوزه من غير ما يسألني واذا في يوم قفلت عليي قوضتي وقعدت

فيها تقول حماتي( ايه في ايه بتقفلي على نفسك ليه اطمني مش حنحسدك اذا كنتي جايبة حاجة مش عاوزانا نشوفها ربنا

يهنيكي ) ..

كانت عيشة كلها نكد والي قرفني فيها حماتي طبعا دي كلمة قنبلة ذرية قليلة عليها مع اني والله بحبها و احياناً بيوجعني قلبي

عليها بقول يا بنت دي مهما كان زي امك استحمليها بس اوقات بتعصب وبحس اني حفرقع وهي ولا على بالها طول النهار

قاعدة وببتأمر عليي مع ان بنتها موجودة معانا ومش صغيرة بس كأني الشغالة بتاعتهم ....ولما اشتكي لجوزي يرجع تعبان

من الشغل اخاف اقولو وازعجو بس والله يا ناس مطلعة عيني خالص.. .

ده في يوم حبيت اعزم اهلي البيت على الغدا وده من النوادر اصلا يتعزمو ده يوم مش حنساه كنت بطلب من جوزي بعض

الطلبات قامت قالتلو..

- ايه كل ده الي رايح تجيبو احنا لسه في اول الشهر انت فلوسك بكده حتخلص..

- احمد: معلش يا ماما اهي عزومة خفيفة عشان اهل سلمى

- حماتي: دي خفيفة ده لو كان الوزير كنت جبت اقل من كده أكل هو انا ناقصة وجع دماغ ..اسمع يا احمد يا بني تقول

لاهل مراتك يجو ويرووحو بسرعة انا دماغي اليومين دول بتوجعني مش قادرة على الدوشة...

- احمد: حاضر ان شاء الله....

وانا كنت بسمع جوه الي بيتقال قمت ذدت الطلبات وعليت صوتي وقولت..

-اسمع يا احمد انا عاوزة لأهلي عزومة ما حصلتش جيب فراخ وبط ولحمة اه دول اهلي مش كل يوم بيجو ...

وتدخلت حماتي في الحديث وقالت...

- والله يا احمد اغضب عليك اذا جبت ذيادة عن الي قولتلك عليه انت حتصرف مرتبك على العزايم

قلت بصوت عالي: ايه يا حماتي مالك متحططة على اهلي ليه...

وبدأت تزعق وقرفتني في عيشتي ما عرفتش اليوم ده خلص ازاي خفت انها تعملي مصيبة لما يجو اهلي انما انا ما حطيتش

في بالي وكانت معاهم خالتي وخالتي ست رغاية بتمسك حكايات الجيران من اول الحارة لأخرها وحماتي تموت موت في

الرغي والكلام قامت قعدت معاها واتفقو وبدأو يتكلمو على الناس ونسيت اهلي انهم موجودين. ..

ياه احكيلكم ايه ولا ايه..........................

شاطرة هيي بس تعمل عزايم لأولادها واخواتها وقرايبها وكلو يطلع على حسابي انا..

واطبخي يا سلمى وجيبي الحاجة دي يا سلمى

تقولو اني السفرجي بتاعها..ده لو كان سفرجي كان ادلل اكتر من كده على الأقل عنده يوم اجازة مش زيي واخدةحكم

مؤبد..يا رب ارحمني...

مش عارفة ليه كل الحموات بيحطو نقرهم من نقر مرات ابنهم وخصوصاً اذا كان الكبير..

مستحيل انسى يوم صباحيتي عملت فيي ايه..

دي على اساس رايحة تقعد اسبوع عند قرايبها جات من الصبح وجابت معاها ناس كتير كتير قال ايه يباركولي...ويا ريت

روحو لا لا لا لا معقولة ده ديوان الست حماتي لازم يكمل بقعدتو الملكيه بالحشم والناس والخدم الي منهم انا طبعاً.. .

والاحلى من كده عزمتهم يقعدو عندها ككام يوم يعني معانا.. قال ايه(اصلهم جيين من البلد.) ..وتاني يوم قعدت اخدم فيهم

وهي تقعد ابنها جنبها بدل ما انا الي هي مراتو تقعد جنب و وانا بشتغلل..
.
ياه انا كل ما افتكر بجي حطق..

كفاية انها اقنعت جوزي يمنعني من الشغل قال ايه الست لازم تكون ست بيت تخدم جوزها قصدها تخدم حماتها واولاد حماتها

وقرايب حماتها...دي عاوزة شغالة مش مرات ابن....بس لو ما كانتش ست كبيرة انا كنت مسكت في زمارة رقبتها او عقدت

لسانها عقدة طول العمر اهو ارتاح من رغيها وكلمها الي زي السم ....بس لا حرام هي طيبة اوقات بس اوقات ماري

منيب تلميذة جنبها...


التوقيع
Ican only be myself cuz theres no1 like me

اضغط هنا لتكبير الصوره
بتنجانه غير متواجد حالياً   رد مع اقتباس
قديم 04-21-2008, 11:27 PM   #2
-||[كبار الشخصيات في المنتدى]||-
 
الصورة الرمزية بتنجانه
 
تاريخ التسجيل: Feb 2008
المشاركات: 607
معدل تقييم المستوى: 15
بتنجانه is on a distinguished road
افتراضي


[COLOR="Sienna"]


الحلقه التانيه[/COLOR]



اضغط هنا لتكبير الصوره اه ياني من حماتي دي مجناني وكلو كوم وقبل ما تجوز كوم..

ححككيلكم شوية عن قبل الجواز يعني قبل الفرح بكم يوم لما العروسة بطلع الجهاز.. اضغط هنا لتكبير الصوره

انا كنت عارفة قدرت جوزي فمخلتيش اهلي يطلبو مهر كبير وانا كمان كنت من شغلي شايلة شوية فلوس جبت بيهم بقية الجهاز..واهلي ساعدوني كتير .

قبل بكم يوم من الفرح كنت طالعة قودتي في بيت جوزي برتب الجهاز اضغط هنا لتكبير الصوره

.انا وامي واختي بس عشان قال ايه مش عاوزة دوشة ومش ضروري كل الناس تشوف هدوم الي حلبسها لزوجي مش معرض .

طلعت لقيت امة لا اله الا الله مستنية في البيت مع حماتي عازمة الجيران وقرايبها وقاعدين مستنين يشوفو الجهاز تقولو فيلم سينما جايين يحضرو. .مع اني موصيها قبل كده اني مش عاوزة ناس في تطليع الجهاز وقالتلي ما تقلقيش...بس انا شفت الي شفته بصراحة ما قلقتيش خالص.. .........
انا شفت المنظر ده اتخضيت قولتي لأمي ايه ده اذا كان يوم الجهاز جيبالنا كده ناس في الفرح حتعمل ايه ده احنا كده اكيد حنأجر الاستاد مش صالة.. .

دفشتني ماما اسلم على المعازيم وقالتلي خلاص عشان خطري عديها المرادي ما نقدرش نفتح بقنا ده بيتها...مش انتي عاوزة الجوازة دي خلاص اتحملي انا ما ضربتكيش على ايدك...و...و...

خلا ص يا ماما ارجوكي مش مستحملة مش كفاية الهوجة الي انا فيها دول كلهم حيخشو قودي ويشوفو الجهاز ده انا كده مش حخلص ترتيب غير بعد الفرح...

وجيت حماتي وقلتلهم يلا افتحو الشنط ..وعينك ما تشوف الا النور هجمو هجمة عمري ما حنساها وكلو ما يصدق يمسك قطعة من الملابس ويتفحصها كأنو بيشتري فاكهة ويرتبوها بشكل عشوائي وكل ما يلاقو حاجة حلوة يندهو الباقيين تعالو شوفو ده وتعالو بصو ده يا سلاممممممم. .وانا واقفة على جنب زي الحزينة الي جت تفرح ما لقتلاهاش مطرح يدي بختي الي باين من اولو من وش حماتي وعيلتها يا رب صبرني..وتقلهم شفتو ابني جب الجهاز ده كلو دفع دم قلبو فيه...
وانا عاوزة اتكلم بس مش عاوزة مشاكل..
بعدين جات قدام الناس دي كلها قالتلي بزعيق: ايه دهههههههههه هدوم العريس فين...؟؟؟؟؟؟؟؟؟؟؟؟؟؟؟؟؟؟؟؟؟
والناس كلها بصتلي ضحكت بسرعة وداريت الموضع وقلتهلها هدوم ايه انا حيبة بيجاما وروب..
قالتلي: ايه ايه ايه؟ بسسسسسسسسسسسسسسسسسسسسسسسسسس لالا ده كده مش ممكن انا ابني يتجوز ما عندوش الا بيجاما وروب..
-خلاص ولا يهمك يا حماتي حنزل اشتريلو
-والنبي ما حدش حيجبلو غيري ده ابني حبيبي انا احلى عريس فصر( على اساس انا الي عانس مصري يعني)...
وكانتت عملتها جرصة لولا ستر ربنا واشتكيت لأحمد علي عملتو اضايق جداً وقالها كده يا ماما تزعلي سلمى قدام الناس ..
قالتلو دي مش جيبة هدومك...
-ومالو يا ماما مش انتي الي قلتيلها العريس بيجبولو بيجاما وروب بس..
اه- ما انا عارفة بس حبيت اعمل الشويتين دول قدام الناس احسن يفتكرونا بخلا يا بني عشان قيمتك..
...............معقولة الكلام ده يا ماما بقه كل ده على الفاضي..

-لالا على الفاضي ايه ده كلهم قالولي معاكي حق وكده رفعت راسي قدامهم..
-حرام عليكي يا ماما تعملي فيها كده قبل فرحها..
معليش انا عاوزة قصداً اكسر شوكتها عشان ما تتفرعنش عليي من اولها...

تصدقو الي عملتو ده كله ما يجيش حاجة جنب الفرح..
احكيلكم عملت ايه..؟؟؟


التوقيع
Ican only be myself cuz theres no1 like me

اضغط هنا لتكبير الصوره
بتنجانه غير متواجد حالياً   رد مع اقتباس
قديم 04-22-2008, 09:02 AM   #3
المديـــــــر العـــــام
 
الصورة الرمزية Emad Alqadi
 
تاريخ التسجيل: Nov 2007
المشاركات: 21,446
مقالات المدونة: 35
معدل تقييم المستوى: 10
Emad Alqadi will become famous soon enough
افتراضي


سيدتي بتنجانه
شكرا لك ولحلقاتك اليوميه...ففيها من المواقف المضحكة وفيها العبرة
شكرا لتواجدك بقسم القصص...فأنت من أعاد بتواجدك له الحياة والروح
فعملك تشكرين عليه ونفتخر به...وأعتز وأفتخر بأني من رشحك للأشراف
فكنت خير من حاز علي شرف التكليف، ومن أجاد بأصرار بالعمل الجاد
فلتقبلي مني كل أحترام وتقدير


التوقيع
اضغط هنا لتكبير الصوره
Emad Alqadi غير متواجد حالياً   رد مع اقتباس
قديم 05-16-2008, 02:29 AM   #5
-||[كبار الشخصيات في المنتدى]||-
 
الصورة الرمزية بتنجانه
 
تاريخ التسجيل: Feb 2008
المشاركات: 607
معدل تقييم المستوى: 15
بتنجانه is on a distinguished road
الحلقه التالته





-
........الفرح قررنا نعمله في صالة صغيرة يا دوب تساع 50 شخص.. عموماً كنت لابسة فساتني الابيض وقاعدة مستنية العريس وعيلته في بيتنا يجو يخدوني على الصالة على اساس الساعة 8 يكون عندنا بقيت 9 ولسه ما جوش اتعصبت جامد والناس بدأو يتودودو الي يقول خير ان شاء الله حصل ايه واي يقول الغايب عذرو معاها والي يقول حجات مش قادرة اقواهالكم.......


واخيراً سمعت من بعيد تيت تيت تيتتتتتتتتتتتتتتتتتتتتتتتتتتتتتتتتت والكل بيقول العريس وصصصصصل العريس وصل. ..
ماما قالتلي قومي استعدي لاستقبال عريسك..قولتلها بعصبية : عريس مين مش عاوزة اتجوووووووووزززززززززززززززز
اي ه ده اسكتي يا بنت مش ناقصين فضايح...شوفي عذرو بعدين حكمي...


وجيه احمد مطقم كده وبيضحك ولا علباله كأن ما فيش حاجة وازغاريد ملية البيت وامه يعني حماتي المصون مسكاه وداخله ده ما خلتوش يسلم عليي يا دوب زغردت لليليليليشششششششششششششششششششششششششششششششش في وشي حسيت انها حتقعد فيها 10 ايام وبعدين وقفت في النص جنبنا انا وابنها..ما لحقتش اقول ولا كلمة الا كانت منزلانا على العربية عشان نروح الصالة...
قولت خير اهو اخذ راحتي في العربية اتكلم معاه اشوف سبب تأخيرو...


قعدت في النصصصصصصص الناس تقولها عيب يا حجة العرسان يقعدو جنب بعض..تزعق فيهم وتقلهم ما حدش لو دعوة بيه ده لبني عاوزة افرح فيه..
بعدين جيت ماما قلتلاها ما يصحش يا حجة اقعدي على جنب مش ضروري في النص..
لا لا لازم اقعد في النص عشان الحسد...عشان ما يتحسدوش امال انا ناقصة ابني يتحسد..على اساس انا ما ليش لازمة يعني..
كنت حطق حفرقع ده انا قلت في بالي والله لأعملهالك جنازة النهاردة في البيت يا احمد مش فرح عشان تفرح امك فيك...


وقعدت في العربية وفي النص.........مش عارفة حماتي عندها عقدة النص ليه...


وصلنا الصالة احمدالله انها نزلت عشان تشوف الزفة وانا واحمد قعدنا لوحدنا في العربية قولتلو ...
عاجبك عمايلك امك كده كلو كوم وتأخيرك كوم....
اعذريني حبيبتي والله مش قصدي ماما اصريت ندور بالعربية عاوزة تفرح فييه
يا سلام مش عارفة ده مين العروسة انا ولا هيي والله عجايب بقه كده يا احمد تخلي مامتك تنكد عليي من اول يوم ...
والله مش قصدي حبيبتي انا في ايدي ايه خلاص اضحكي وصلنا الصالة مش عاوزك تدخلي مكشرة..اضحكي يلا عشا ن خاطري..


ودخلنا ويا ريت ما دخلت علي شفتووووووووووووووووووووووووو
اكتر من 200 شخص موجودين الي قاعد على الكراسي والي واقف والي قاعد على الكوشة الي لازم انا الي اقعد فيها..اتصدمت ويا ريت اعرف حد منهم دا يا دوب طاولة ولا طاولتين من طرف اهلي والباقي كله ما اعرفهمش مش عارفة حماتي عازمة مصر كلها ولا انا دخلت فرح غلط....
قولت لأحمد ايه ده؟
مش عارف يا حبيبتي والله الظاهر الاحباب كتير..
لا مش عاوزة احباب دول احباب امك . ...مش احبابي ..هو كل دول حيسلمو عليي ده انا فرحي حيخلص بكده بعد شهر...حد يرش عليي مية باردة يا ناس حطق حفرقع..
طولي بالك يا سلمى كلهم كم ساعة..
هو احنا جايين عيادة دكتور مستنين دورنا ده فرحنا يا احمد فرحناااااااااااااا


ووصلت الكوشة والحمدالله ان القاعدين عليها حسو ان في عروسة جية تقعد وسمحولي اقعد...
وكل الفرح مغمضة عيني مش عاوزة اشوف الهجوم الي موجود والزحمة الي موجودة وحسيت اني مش قادرة اتنفس..وكل شوية تيجي حماتي تقولي شايفة فرحك يا سلمي اهو الناس تدي قيمة للفرح .....بس ما جوش للأسف كلهم لسه جايين بعد شوية


والنبي يا ناس حد يروحني عند ماما مش عاوزةاتجوززززززززززززززز..


ما عرفتش اليوم ده عدى الزاي قاعدة كل الوقت متنرفزة ومش عاوزة اشوف وش حماتي حسيت ان المصايب بترف عليي من اولها..ربنا يعيني على حماتي دي قنبلة ننوية بتنفجر باستمرار..
اقول ايه واحكي ايه يا رب صبرني...


التوقيع
Ican only be myself cuz theres no1 like me

اضغط هنا لتكبير الصوره
بتنجانه غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:35 AM.


Powered by vBulletin® Copyright ©2000 - 2022, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.