تعلمي فن اختيار الإكسسوارات

[عبدالرحمن حساني]

أهلا بكل بنات قمر 14، النهارده هنتكلم عن الإكسسوارات،
واللي أصبحت عنصر أساسي لاكتمال الأناقة والطلّة المميزة..


الإكسسوارات بتكمّل شكل اللبس وكمان بتضيف
مظهر أنثوي وبتبيّن مدى اهتمامك بشياكتك،
وممكن تلبسي طقم مش تلبسيه بأنك تغيري في شكله
بارتداء الإكسسوارات،وكمان هنعلمك أزاي تختاري
الإكسسوارات المناسبة مع لبسك والمناسبة لشكل جسمك
وإنك ممكن تخفي عيوب جسمك بارتداء الإكسسوارات.


البساطة في الاختيار هي الموضة الدائمة لكل وقت،
فاحرصي دائما إن اختياراتك تعكس شخصيتك، ودلوقتي
هنعرف مع بعض إزاي تختاري الإكسسوارات المناسبة..


أوقاتك بتتحكم في اختيارك للإكسسوارات


الوقت أو المناسبة اللي هتلبسي فيها الإكسسوارات تعتبر
من العوامل الأساسية اللي بتختاري شكل إكسسوارك
على أساسها؛ فمثلا اختياراتك في أوقات النهار وللجامعة
أو الشغل بيختلف تماما عن اختياراتك للمناسبات الخاصة
والسهرات أو فترة بعد الظهر..

لو إنتي بتخرجي في النهار للشغل أو للجامعة،
فراعي إن إكسسواراتك ما تبقاش فيها لمعة زي الألماظ
أو الفصوص وكمان تكون بسيطة، ومن قواعد الإتيكيت
كمان إنها تكون من النوع اللي مش بيصدر
عنها صوت مزعج ولا تكون ملفتة للأنظار.


أما لو كنتي في سهرة أو عزومة بالليل ممكن تلبسي
الإكسسوارات اللامعة، ولكن راعي فيها أيضا البساطة
زي الذهب والألماظ واللؤلؤ، ولو لبستي بروش يبقي
مافيش داعي إنك تلبسي عقد؛ فالبروش لوحده كفاية
وابتعدي تماما عن الإكسسوارات الكاجوال زي الجلد والبلاستيك.


اختاري الإكسسوارات المناسبة مع الحزام
موضة الأحزمة


لبس الأحزمة بيعجب كتير من البنات وخصوصا إن معظم
اللبس الكاجوال بيليق عليه الأحزمة،
علشان كده لازم تاخدي بالك من حاجه مهمة وهي إنك
ما ينفعش تلبسي سلاسل طويلة تصل إلى الحزام
ولكن اختاري السلاسل القصيرة اللي تليق على شكل
ونوع الحزام، يعني لو الحزام مصنوع من الجلد
راعي إنك تختاري الإكسسوارات الكاجوال أما لو
الحزام مصنوع من المعدن فاختاري الإكسسوارات المعدن.


اختاري الشنطة المناسبة لشكل جسمك

شكل جسمك وطوله أكيد بيتحكم في اختيارك لشكل الشنطة
يعني لو كنتِ مليانة من منطقة الذراعين أو منطقة الصدر،
اختاري الشنطة الطويلة؛
لأن الشنطة القصيرة هتبرز امتلاء منطقة الصدر والذراعين.

ولو كنتِ مليانة من منطقة الوسط اختاري الشنطة الكبيرة
اللي ليها يد قصيرة، علشان تبعدي الانتباه عن امتلاء
منطقة الوسط نهائي.

أما لو كنتي رفيعة وطويلة يبقى أحسن حاجة ليكِ
هي الشنطة الكبيرة والضخمة نوعا ما،
ولو كنتِ رفيعة وقصيرة يبقى تجنّبي الشنط الكبيرة أوي؛
لأنها هتديكِ شكل طفولي وغير متناسق،
والأفضل ليكِ هي الشنط الصغيرة أو متوسطة الحجم،
لو كنتِ مليانة وطويلة يبقى ابعدي خالص
عن الشنطة الكبيرة واختاريها متوسطة الحجم أو صغيرة.


البسي نفس الطقم في كل الأوقات

الإكسسوارات مش مجرد إضافة تكميلية للطقم اللي بنلبسه،
لكنها حاجة أساسية، وتقدري عن طريقها إنك تلبسي نفس
الطقم في فترة النهار وترجعي تلبسيه تاني بالليل،
والطريقة دي بتكون مناسبة أكتر مع الملابس السادة يعني
اللي مافيهاش رسومات كتير،
وده هيبقى بارتداء الإكسسوارات البسيطة الناعمة
في فترة النهار أما في فتره الليل البسي الإكسسوارات
اللامعة اللي بتمشى مع المناسبة.

الرقبة القصيرة والطويلة


الرقبة بتدّي مظهر جميل للبنات وبالذات لو هتلبسي فستان،
أو بلوزة مفتوحة؛ علشان كده لازم تعرفي تختاري
الإكسسوارات اللي بتناسب شكل رقبتك،
يعني لو رقبتك قصيرة ابتعدي تماما عن العقد الضيق
اللي بيتلبس على الرقبة مباشرة عشان متلفتيش
الانتباه للمنطقة دي أكتر، لكن الأحسن إنك تلبسي
السلاسل الطويلة، وابتعدي أيضا عن الحلقان الطويلة
لأنها هتبيّن شكل رقبتك أقصر، لكن لو رقبتك قصيرة
ووشك كبير اختاري الحلقان المتوسطة وابتعدي عن الصغيرة
أوي، أما لو رقبتك طويلة اختاري العقد القصير اللي ممكن
يتلبس على الرقبة علشان يبيّن رقبتك بشكل أقصر.


اللؤلؤ والذهب و الفضة

أنواع الإكسسوارات كتيرة لكن أكثر الأنواع انتشارا
واللي بيفضّلها كتير من البنات هي الذهب والفضة،
فلازم تاخدي بالك من توحيد نوع الإكسسوارات اللي
هتلبسيها يعني الأفضل إنك تلبسي إكسسوارات
من نوع واحد ولكن ممكن تلبسي إكسسوارات فيها نوعين
زي الذهب مع اللؤلؤ، والفضة مع اللؤلؤ ولكن يفضل
لبسهم في المناسبات والخروجات اللي بعد الظهر.



اختاري شكل الخاتم المناسب لأصابعك
شكل أصابعك بتتحكم في اختيارك للخواتم

اختيارك لشكل الخواتم وحجمها يتحكم فيه طول وحجم أصابعك،
علشان كده لو أصابعك قصيرة ورفيعة ما تلبسيش الخواتم
الكبيرة والطويلة لأنها هتبيّنها أصغر، والأفضل إنك تختاري
الخواتم البسيطة والرقيقة، أما لو أصابعك طويلة فاختاري
الخواتم ذات الحجم الكبير أو العريض
لأنها هتبيّن أصابعك بشكل أقصر.

الاسكارف


الاسكارف من الحاجات المكملة أيضا للبسك، فراعي
وإنتي بتختارى الإسكارف إنها تكون متماشية مع ألوان
لبسك وخامته، وما تلبسيش إكسسوارات كتير مع الإسكارف،
لكن ممكن تلبسي سلسلة طويلة يكون لها شكل بسيط.

معلومة تهمك


مش ضروري إنك تلبسي طقم كامل من الإكسسوارات،
يعني السلسلة مش لازم تكون زي الحلق أو إكسسوارات اليد،
المهم إن الشكل العام يبقى متناسق مع بعضه،
كمان ما تلبسيش المجوهرات الحقيقية مع الإكسسوارات
لأن ده هيفقدها قيمتها.


ملطوشة لعيونكم

[قلوب الاسلام]

موضوع كثير حلو وطرح راقي

ينقل للقسم الانسب

[عبدالرحمن حساني]

نورتي ياغالية

شكرا لمرورك

[* بسمة أمل *]

هههههههههههههه الطش ثاني وجحط مواضيع المهم انك تشارك في قسمي خخخخخخخخخخخ
شكرا لك عالنصائح
يثبت الموضوع لفترة

[عبدالرحمن حساني]

اي ماشي >>> متل مابدك

يعني انا الطش واسرق وانت تردي

ماشي ماشي

رح اسرق لحتى يفرجها الله

انت بس امري


تكرم عينك وانا عليي الطش


شكرا لمرورك