لازم اتجوز ياما هكون كدا عانس وماليش اي لازمه ف الحياه

[Roraa]

السلام عليكم ورحمه الله وبركاته الموضوع منقول ازيكم ياقمرات برق .. عامله ايه يابنوته انتى وهيا ^^ يارب كلكم تبقوا بخير وكل سنه وانتم بالف صحه وسلامه يارب تكن كل ايامكم اعياد x اعياد .. نبدأ القصه انا بس من شويه وانا قاعده مع زوجي افتكرت قصه ارتباطنا واللى هيا اصلا مش من زمان اوى يعنى بس اصل انا مريت بشويه حاجات خلتنى لازم اقول لكل بنوته ما تيأسي من رحمة ربنا لان ربنا رحمته وسعت كل شئ بصى يابنوته مبدأيا انا دلوقتى عندي 26 سنه من زمان اوى وانا مش مديه اهتمام زي بقيت البنات بالفستان الابيض وجو الرومانسيه دى وكنت ف كليتى بهتم اوى بشغلى حتى لما اتخرجت وناس كتير اوى من زميلاتى اتجوزواا وياماا حضرت افراح والف الف مبروك وربنا يتمم بخير المهم جت عليا فتره ايه دا هوا انا ليه مش زيهم ؟؟ اتقدملى ابن عمى وافقت زى الهبله كدا بدون تفكير ولا ايتها حاجه المهم يابنات وبدون دخول ف تفاصيل فسخت الخطوبه بعد سنتين !!!!!! وكان فاضل شهر على الفرح واتخطبت تانى وشوفت المرااااااااااااار على مدار سنتين بردوو وفسخت وفضلت عالحال دا بقه لما خلاص بقه عندى 25 ف الاثناء دي كانت اختى الاصغر منى اتخطبت واتجوزت وحامل ^^ وخدي بقه كلام من اللى قلبك يحبه الناس يااوختشى مش بتسيب حد ف حاله ابدااااااااااااا طب انتى سيبتى خطيبك ليه ؟؟ مفيش نصيب ياطنط تقوم تمتعض وتمصمص شفايفها الجميله ربنا يرزقك بابن الحلال وياسلام لو معزومه ف فرح بقه والعروسه اصغر منى ب 6 سنين ولا حاجه ^^ عينك ماتشوف الا النور المهم اكتئبت اهملت ف شغلى والناس وصلتنى ان لازم اتجوز ياما هكون كدا عانس وماليش اي لازمه ف الحياه وبعد فتره كدا من الاكتئاب دخل علينا رمضان السنه اللى فاتت وكنت بدأت التزم ولبست نقاب وقربت من ربنا اوى وكله يقولى لبستيه ليه دلوقتى هوا مش لما يجيلك نصيبك هوا انتى ناقصه ومش عارف ايه ؟؟؟ !!! وانا مش فاهمه ايه العلاقه ؟؟ المهم رمضان اللى فات حسيت بجد انى قريبه من ربنا وبدأت ادعي ف كل الصلوات لو اقولكم على الدعوات اللى دعيتها وقسم احاسب عليه قدام ربنا انها كلها اتحققت ماعدا واحده ومستنياها الشهر دا ان شاء الله المهم كنت بدعى ليا ولغيري عشان اخد دعوه الملك واستغفر كتيييييييير واتحري اوقات الاجابه واول دعوه مجابه هي انى اصوم رمضان كله وسبحان الله البريود اتأخرت لظروف ما وصمت رمضان كاااااااااااااااااامل وقيمت ليله القدر والدعاء والمحروسه شرفت اول يوم العيد بس مش مهم كتر خيرها بعد العيد الكبير اتقدملى زوجى وكانت احلى ايام وبعدها بشهرين كتبنا الكتاب وهوبا اتجوزت من شهر ونص وهوبا دخل رمضان وانا حامل والله اقسم بالله دعيت ربنا ان يرزقنى الذريه الصالحه ف رمضان القادم ويبشرنى بيها والله دخلت رمضان وانا حامل وانا مش قادره اصدق كرم ربنا بجد يابنات مهما اسودت ايامنا ومهما بكينا ومحدش حس بينا ربنا القادر علي كل شئ قربى منه وادعيه كتيييييييييير والله ربنا هوا القادر انه يحققلك كل اللى تتمنيه انا والله فضلت سنه كامله ادعى ربنا بدعوه ولما ماستجابت قلت هوا ليه ياربى مع انى بدعيك وانت القائل ادعونى استجب لكم ؟؟ لكنى ادركت حقيقه واحده ان ربنا بيعملنا الخير لينا وطالما انا دعيت لله بحاجه كان ليا فيها شر يبقى خير ليا ان ربنا يصرفه عنى الحمد لله حكمه ربنا بتبان اوى وانا بشوفها ف كل تفصيله ف حياتى اهم حاجه بقه نقولها دلوقتى اننا نستغفر ربنا ونصدق ربنا عشان لما تحتاجى حاجه من المولى الكريم لازم تكونى صادقه يعنى مينفعش تطلبى منه حاجه وانتى نفسك مش قريبه منه ولا بتعملى اللى عليكى بجد ياجماعه وبيقين ادعو ربنا والله ربنا بيستجيب اووووووووى الدعاء وعودى نفسك تدعى لغيرك ربنا يملى حياتك بركه واوعى تتركي الاستغفار وقيام الليل هما اللي بينورو وشك ف الدنيا وبركه عمرك كله .. معلش اعذروني طولت عليكم بس كان نفسى انقل تجربتى دى لكل واحده تأخر زواجها او تأخر حملها او عندها اى مشكله من مشاكل الدنيا الجأو لربنا وربنا مش هيضيعكم ابداااااااااااا انا ضفت فيه الادعيه اللى باذن الله يكون فيها الاجابه واوقات الاجابه للدعاء الادعيه : لازم تكونى متأكده ياحبيبتى وانتى بتدعى ان ربنا هيقبلك ويقبل دعائك ودى من اكتر الادعيه اللى بجد ليها سحررر ومجابه باذن الله والنيه لله خالصه ان يجعل عملى هذا لوجهه الكريم وانى اخد اجر كل واحده تستفيد منه اللهم آمين الدعاء الاول : اللهم انى اسألك بانى اشهد ان لا اله الا انت الواحد الاحد الفرد الصمد الذي لم يلد ولم يولد بأن ...... وتقولى حاجتك وهنا احنا دعينا ربنا باسم الله الاعظم وباذن الله ربنا يعطيكى حاجتك لان فى الحديث : ورد عن عبد الله بن بريدة عن أبيه رضي الله عنهما: أن رسول الله صلى الله عليه وسلم سمع رجلاً يقول: اللهم إني أسألك بأني أشهد أنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد، فقال: لقد سألت الله بالاسم الأعظم الذي إذا سئُل به أعطى، وإذا دعي به أجاب. رواه أبو داود والترمذي الدعاء التانى : تحمدى الله حمدا كثيرا وتثنى عليه وتصلى على الحبيب وتسألى الله حاجتك يعنى ايه : مثال : اللهم لك الحمد كما ينبغى لجلال وجهك وعظيم سلطانك .. اللهم الك الحمد لا احصى ثناءا عليك .. انت كما اثنيت على نفسك وجهك اكرم الوجوه واسمك اعظم الاسماء وعطيتك احسن العطايا واجزلها اللهم انى اسألك ان تصل وتسلم على حبيبنا محمد وزوجاته وذرياته وصحابته والتابعين الى يوم الدين اللهم انى اسألك ان ت....... وتسمى حاجتك وتختمى الدعاء بالصلاه والسلام على حبيبنا محمد اوقات الاجابه : بين الاذان والاقامه الدعاء لا يرد : وتقولى ورا المؤذن وبعد كدا تصلى على الرسول صل الله عليه وسلم وتقولى الدعاء بعد الاذان بأن تسألى ربنا الوسيله والفضيله لسيدنا محمد لتحل شفاعته ليكى باذن الله يوم القيامه وبعد كدا تقولى الدعاء اللى نفسك فيه وبعد كدا تصلى تانى ع الحبيب يبقى انتى كدا جمعتى بين الدعاء بين الاذان والاقامه وبين الدعاء بين صلاتين ع الرسول صل الله عليه وسلم الدعاء بين الصلاتين على رسول الله فما بينهما مقبول باذن الله الدعاء يوم الجمعه وخصوصا اخر ساعه من العصر الدعاء يوميا ف الثلث الاخير من الليل وقت السحر الدعوه فى صلاه الفجر مقبوله ان شاء الله الدعاء عند ختم القران ان شاء الله رايحين فين ؟؟ صلوا على الحبيب الاول صل الله عليه وسلم اللهم لك الحمد كما ينبغى لجلال وجهك وعظيم سلطانك سبحانك اللهم وبحمدك اشهد ان لا اله الا انت استغفرك واتوب اليك في حفظ الله ورعايته

[* بسمة أمل *]

من أوقات الاجابه ايضا
الدعاء عند نزول المطر
جزاك االله خيرا ع النقل المفيد

[Roraa]

ميرسي على الاضافه ياقمر
يعطيكي الف عافيه
وميرسي على المرور الجميل
في حفظ الله ورعايته

[* ملااك *]

الله يستر علي كل البنات انا كتير بسمع عن قصص بخصوص الزواج ومشكله اللي يدفع البنت انها تزوج اي شخص يتقدم لها والسلام هو كلام الناس الي مبيرحمش وميسبش حد في حاله الله يهديهم
تشكراتي موضوع نايس
دمتي بسعاده...

[Roraa]

صح الكلام
وللاسف الناس بتنسى ان دا رزق من عند ربنا
متله متل الرزق في المال والطعام
ربنا يهدي الجميع يارب
ميرسي ياقمر على تواجدك الجميل
في حفظ الله ورعايته