نكت عامية

[معاوية فهمي إبراهيم]

السلام عليكم ورحمة الله وبركاته :-
(( نكت عامية ))

معلمة رياضيات ضربتها سيارة فقدت الوعي، أخدوها عالمستشفى فالدكتور بقول لأهلها عندها كسور، قامت قالتلهم تنسوش توحدوا المقامااات.
§§§
تاجر ممنوعات قال لأمه: شو طابخة؟ قالته: كبسة...قام نط من الشبّاك.
§§§
واحد بقول لصاحبه: تلاتة ما ممكن تشوفهم بحياتك، بتعرف شو هم؟ قاله: شو؟ قاله: الملائكة، والجن، وواحد مداينه مصاري.
§§§
الشرطي: مدام ما بصير هيك صرتِ داعسة تلاتة بنفس الشهر. المدام: طب ليش هوي قديش بحقِّلي؟؟
§§§
واحد بيسأله دكتور العيون: ها خير من شو بتشكي؟ قاله: والله يا دكتور بطلت أشوف المصاري.
§§§
في قهوة تعبانة ليش؟ ما فيهاش هيل.
§§§
خليجي دخل يحلق عند حلاق مصري طلع أقرع ليش؟ عشان كل ما الحلاق يقله: كويس كدا؟ الخليجي يرد عليه: والله ما قصّرت.
§§§
واحد مرته ولدت توأم، من الفرحة قال للدكتور تلاتة بالله العظيم لتنقيلك واحد.
§§§
حرامي دخل على بيت لقي كل الي فيه صاحين، ضربهم وسرق الي بده يسرقه وطلع، وهو طالع شاف واحد نايم صحاه وضربه وبده يروح قام قله ليش ضربتني أنا عملتلك شي؟؟ قام قله الحرامي: عشان بكرة ما تاكل راسهم وانت تقلهم ياريتني كنت صاحي.
§§§
واحد مسطول شافوه قاعد جنب الصخرة وماسك خفاش بحكيله: يخرب بيتك أول مرة بشوف فار لابس عباية!!
§§§
واحد بخيل قاعد بالشتا، برد شوي قرب جنب الصوبا، برد كمان شوي قرّب أكتر، برد كمان شوي قام ولّعها.
§§§
بخيل دخل على أهله قالهم ها شو طابخين اليوم؟ قالوله زيت وزعتر، قالهم: واااال طبختين في يوم واحد يا مفتريين!
§§§
واحد بخيل قابلته شحّادة قالتله أعطيني حسنة مشان الله، صرلي يومين ما دقت الخبز، قالها هو هو طعمه ما اختلف.
§§§§§§§§§§§§§§

[معاوية فهمي إبراهيم]

بإنتظار ردودكم.