قديم 10-04-2008, 02:11 AM   #1
-||[قلم من ذهب]||-
 
الصورة الرمزية قلب مخلص
 
تاريخ التسجيل: Jul 2008
المشاركات: 213
معدل تقييم المستوى: 13
قلب مخلص is on a distinguished road
شوفوا نهاية الشباب اللي يدخلون شاااات بنكات البنات؟؟؟ بنات ادخلو و شوفوا!!


شوفوا نهاية الشباب اللي يدخلون شاااات بنكات البنات؟؟؟ بنات ادخلو و شوفوا

--------------------------------------------------------------------------------

شوفوا نهايه الشباب اللي يدخلون بنكات البنات؟




جراح ويوسف ربع من زمان وتعرفون المواقف والدقات اللي تصير بين الربع
بس هالمرة الموقف اللي سواه يوسف بجراح
موقف ضيع حياة جراح
خلونا نشوف أحداث هالقصة ويا بعض .. ..


**********


جراح كان داخل الجات بنك (( أدور على حب )) والحبيب داش جو مو طبيعي
وطايحله سوالف مع بنات خلق الله
إتصل عليه رفيجه يوسف ودار بينهم هالحوار


جـــراح : ألووو
يوسف : ألووو هلا والله جراحووو
جـــراح : هلا فيك حبيبي .. ها خير آمرني
يوسف : شنو آمرني .. ! تصرفني ويا ويهك
جـــراح : لا والله بعد عمري إنت بس آنا منهمك بالجات قز قز مو طبيعي يويسف وناسة
يوسف : ممم خوش عيل شنو نكك .. ؟
جـــراح : ليش بتدخل علي .. ؟
يوسف : لا والله آنا وين والجات وين خبرك عتيج ما قمت أدخل زهقت منه
جـــراح : ممم والله آنا نكي (( أدور على حب )) تعرف يمكن أصيدلي رمااانة من هالفواكه الموجودين بالجات
يوسف : أي رمان وأي فواكة .. ! حبيبي هذول بنات مو خضرة لوووووووووول
جـــراح : هههههااااااااااي
يوسف : أوكي حبيبي آنا ماشي الحين بروح أنام تامرني على شي .. ؟
جـــراح : لا قلبي سلامتك نومة العافيه انشالله
يوسف : الله يعافيك .. تصبح على خير
جـــراح : وإنت من أهل الخير
يوسف : باااي
جـــراح : بااايااات


طبعا يوسف مافيه النوم وأصحى مني ومنكم بس أهو مجهز موقف ودقه محترمة حق رفيجه جراح


يوسف دخل الجات ودخل بنك (( أبي واحد يحبني )) يعني منتحل شخصية بنية
وقعد ينطر وينطر وياكل بطاااط و بيبسي
لما دخل عليه نك (( أدور على حب )) لوووووووووول
اللي أهو جراح

جراح المسكين ما يدري عباله بنيه صج لوووووووووول
ودار بينهم هالحوار


جـــراح : مساء الخير
يوسف : مساء النور ياهلا
جـــراح : شلونج شخبارج
يوسف : الحمدلله زينة .. وإنت شلونك
جـــراح : آنا بخير دامج بخير
يوسف : دوم انشالله مو يوم
جـــراح : تسلمين ما تعرفنا عليج يا حلوة
يوسف : معاك شيماء وإنت .. ؟
جـــراح : عاشت الأسامي .. معاج جراح
يوسف : عاشت أيامك .. الله إسمك يهبل وااايد حلو ستاااااااااايل
جـــراح : تسلمين من ذوقج .. مادري شلون بنام اليوم
يوسف : لا آنا قلت إسمك يهبل مو إنته .. وبعدين تنام ما تنام كيفك
جـــراح : أووو ليش جذي تكسرين فيني .. آنا زعليت خلاص
يوسف : آسفة
جـــراح : لا كلا واحد .. شيماء جم عمرج .. ؟
يوسف : 18 وإنت ؟
جـــراح : 19
يوسف : العمر كله .. الله إنته أكبر مني
جـــراح : طبعا طبعا .. يالله روحي سويلي بيض طماط بسرعة
يوسف : واي حدك واثق
جـــراح : طبعا واثق .. شيومه شلون الجات معاج اليوم .. ؟
يوسف : يعني .. وبعدين تعال ليش تدلعني .. ؟ من عطاك الحق
جـــراح : تنساني وتروح وحده وحده حتى أستوعب كلامك والجروح
يوسف : واااي ملاقة
جـــراح : شيومة شيومة
يوسف : هلا خير
جـــراح : لا بس قاعد أجرب الكيبورد .. لوووووووووول
يوسف : لوووووووووول .. تصدق عاد إنته تهبل تونس وااايد .. شكلك ما تحب ولا جربت الحب
جـــراح : لا والله ما صار نصيب وبعدين ماكو اللي تستاهل أحبها
يوسف : إي والله صاج .. بس في بنات شحلاتهم يهبلون وأخلاقهم وايد حلوه
جـــراح : إي شيومة في بس قتلج للحين ما صار نصيب
يوسف : إنت مشالله عليك روحك حلوه تضحك وتونس الله يخليك حق أهلك
جـــراح : صج .. ؟
يوسف : إي والله صج .. آنا ما حب أجامل أحد
جـــراح : بعد عمري والله
يوسف : شنو .. ؟
جـــراح : آسف إطلعت عفويه من غير قصد
يوسف : لا عادي
جـــراح : ممم أنا ما أشوفج تضحكين وايد ليش .. ؟
يوسف : إي والله صاج آنا ما أَضحك وايد حياتي تعاسه بتعاسه
جـــراح : أفا ليش .. ؟
يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد يقولي
مثل هالكلام .. أهلي بالبيت يعاملوني جني خدامه مو بنتهم
جـــراح : كل هذا فيج
يوسف : وأكثر من جذي
جـــراح : تصدقين ودي أسمع منج وايد سوالفج ما تنمل بس آنا الحين لازم أروح .. ممكن طلب ..؟
يوسف : تفضل
جـــراح : ميخالف أضيفج عندي بالإيميل هذا إذا ما عندج مانع
يوسف : والله مادري شقولك .. آنا ما أضيف شباب عندي
جـــراح : بس آنا مو من هالشباب وإنشالله ما تشوفين مني إلا كل خير
يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر
جـــراح : لا إنشالله ما تشوفين مني إلا كل خير
يوسف : عطني إيميلك وآنا أضيفك
جـــراح : أوكي هذا إيميلي .......... متى تضيفيني .. ؟
يوسف : إنشالله الحين
جـــراح : أوكي آنا طالع الحين تامريني على شي .. ؟
يوسف : سلامتك
جـــراح : أشوفج على خير إنشالله .. مع السلامه
يوسف : الله يسلمك


**********


فلم يوسف مشى على جراح المسكين

وجراح عاش بوهم
ويوسف ما تاب صار يسولف مع جراح كل يوم بالمسنجر
وطبعا يوسف للحين منتحر شخصية شيماء
وجراح المسكين عاش بأجواء الحب وتولع بشيماء
وطلب يشوف صورتها
والثعلب يوسف مضبط شغله
حط حق جراح صورة بنية حاطه شيله على راسها وهالبنيه حلوه وايد
وجراح لما شاف الصوره لا ليله ليل ولا نهاره نهار
خلاص إنفجر
الحب سيطر عليه من كل مكان
وصار ينفذ أوامر شيماء أقصد يوسف

وهالدقه اللي مسويها يوسف تتوقعون جم إستمرت .. ؟

ســـــنـــــة كـــــامـــــلـــــة

يوسف للأسف ما مل من هاللعبه
سبحان الله
جراح يبجي وما ينام الليل من كثر الشوق واللهفه والحنين اللي فيه
وينطر متى يصير باجر عشان يسولف ويا شيماء
أقصد الوهم

ويوسف الله يسامحه
ميت من الضحك عليه

**********


يوسف قام يحلي اللعبه
صار ما يشبك
وطبعا جراح المسكين قام يحاتي ويدز إيميلات
ويوسف ميت ضحك
جراح صار واحد ثاني
ما يطلع من بيتهم
كلا قاعد بداره
يتخيل صورة شيومه حبيبته
يتخيل سوالفها
دلعها
روحها الحلوه
ويبجي ويبجي


**********

بعد شهرين

شبك يوسف
وجراح طار من الفرحة
قال حق شيوم ليش ما تشبكين .. ؟ وشرحلها شوقه وحنينه
وقاموا يسولفون
جراح ما قدر يصبر
قال حق شيوم أبي رقمج بكلمج بالتلفون
شيوم إرفضت تدرون ليش .. ؟
لأن صوتها خشن

لوووووووووول

اللي أهو صوت يوسف هالتعبان اللي ما يستحي

فقررت شيوم إنها تواعد جراح
ودار بينهم هالحوار

جـــراح : حياتي يعني الحين شلون ماراح أسمع صوتج .. ؟
يوسف : حياتي لا تزعل روحك جذي .. أنا عندي فكرة
جـــراح : شنو .. ؟
يوسف : شرايك تشوفني .. وبجذي راح ناخذ على بعض أحسن من التلفون بألف مرة
جـــراح : من صجج إنتي .. ؟
يوسف : إي والله من صجي
جـــراح : الله وناااااااااااسة
يوسف : وآنا شبي غير وناستك يا بعد عمري
جـــراح : حياتي والله .. إنزين شيومتي أي مكان راح أشوفج فيه .. ؟
يوسف : ممم شوف الساعة 9 بليل بالحديقة شرايك
جـــراح : صار بس شنو راح تلبسين .. ؟
يوسف : ممم راح اكون لابسه شيله ونقاب وعبايه
جـــراح : وي وي وي ليش كل هالعذاب .. ؟
يوسف : حياتي عشان ما أبي احد يشوفني
جـــراح : أوكي حياتي صار


جراح طبعا ما يحتاي أوصفلكم شعوره

الأخ المسكين راح الصالون ما خلا شي ما سواه بويها
سنفرة وتنظيف بشرة وحلق وظبط شغله وكشخ
وراح الحديقه الساعه 5
ينطر الساعه تصير 9 عشان يشوفها
مسكين كل هذا حب .. ؟
قاعد ينطر وينطر
وأخونا الشيطون الثاني يويسف
رايح بازار فحيحيل يشتري دراعة وعباية وشيلة ونقاب



قرب الموعد

يوسف لبس الدراعة وتعطر من عطر حمامهم
ولبس الشيله والنقاب والعبايه
والأخ يعني صايد الحركة
راح كحل عينه

هههههههههههههااااااااااي



صارت الساعة 9 بليل

راح يويسف الحديقه وقعد بالكرسي
نزل جراح من السياره وغرق روحه بالعطر المسكين
دخل الحديقه وقام يدور على وحده منقبه وعبايه
لقاها قاعده آخر شي
قرب صوبها
وبدأت ساعة الصفر

طبعا يوسف ما خلا عسل ما شربه عشان ينعم الصوت



ومشت على جراح لعبة الصوت
لأنه منهمك بالحب ولا ركز على هالشغلات
ودار بينهم هالحوار

جـــراح : قوة
يوسف : قوتين يا هلا
جـــراح : إنتي شيوووم .. ؟
يوسف : إي آنا شنو ما عرفتني
جـــراح : لا أعرفج بس حبيت أتأكد
يوسف : والحين تأكدت .. ؟
جـــراح : إي بعد عمري تأكدت
يوسف : واااي على هالحجي الحلو
جـــراح : سمعيني شيوم آنا أموت فيج أحبج وااايد وااايد مستعد أذبح روحي عشانج
يوسف : بعد عمري لا تقول تذبح روحك .. سملة عليك
جـــراح : حياتي عفيه بكلمج بالتلفون
يوسف : آنا ودي أكلمك بس ماقدر ماقدر
جـــراح : ليش .. ؟
يوسف : تلفوني مافيه رصيد كلش
جـــراح : لا يا عمري آنا راح أتصل عليج مو إنتي
يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك
(( لا يمكن الإتصال على المشترك حاليا ))
جـــراح : أوكي خلاص اليوم روحي إشتريلج كرت وعبي
يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام
جـــراح : ولا يهمج حياتي دقايق بروح أشتريلج كرت وأرد
يوسف : لالا مابي أكلف عليك
جـــراح : لا عمري لا كلافة ولا شي و إنتي مني وفيني


راح جراح يشتري كرت حق شيوم
وطبعا الأخ الفاضل يويسف
رفع النقاب
ويها عرق



قام يستنشق الهواء
وأهو ميت ضحك
شاف جراح ياي من بعيد
غطا ويها
وصل جراح
ودار بينهم هالحوار

جـــراح : هاج عمري هذا الكرت
يوسف : وي وي بعد عمري مشكور ما قصرت
جـــراح : أفا عليج جم شيومه عندي


يوسف ما قدر يستحمل
فصخ النقاب والشيله
وشوفوا شصار


جـــراح : يو يوس يوس يو يوسس يوسف .. ؟
يوسف : كاااااااااااااااااااااااااااااااك يالخرووووووووووووووووووووووووووووووف


*********

شنو تتوقعون موقف جراح ..؟
من بعد القصة اللي عاشها والسنة اللي خذاها بالحب والشوق والحنين
لشيماء اللي إطلعت وهم
وهالحب الوهمي اللي بناه وفكر إنه يوصل للزواج
كان لعبة من رفيجه
جراح إنصدم وظل واقف بمكانه ما يتحرك
ريوله تهتز مو قادره تشيله لما طاح وأغمى عليه
يوسف خاف على جراح وشاله ووداه المستشفى
وللأسف جراح ياله إنهيار عصبي وصار مينون وبظل طول عمره بالمستشفى



ظاعت حياة جراح ظاعت

ولو كانت شيماء حقيقة جان شفتوا حياة جراح
أحلى حياة لأن هالولد نيته شريفة وحب من قلبه
ويوسف كثر ماكان يضحك على جراح
صار يبجي ويبجي ويبجي
وحلف إنه ما يسامح نفسه طول العمر


منقوله لعيونكم .....اضغط هنا لتكبير الصوره


....>>>$قلب مخلص في دنيا الخيانة $<<<....


0 دكتور أخر موديل......!!!!
0 فتاة تأكل شيء مقرف ؟!
0 قصة وهي أقرب للخيال في وقتنا هذا ....!!!
0 ... سأعقد هدنة مع الزمن ...
0 قصة جميله جدا وللعبره>>>>>>>!!!
0 شوفوا نهاية الشباب اللي يدخلون شاااات بنكات البنات؟؟؟ بنات ادخلو و شوفوا!!
0 ستظل.....!!!!
0 الدوره الشهرية عند الرجل...؟؟؟
0 ~~الحلم الوردي~~...ارجو منكم التشجيع,,,,
0 الدوره الشهرية عند الرجل...؟؟؟
0 حادثه غريبه تحدث كل يوم احد الساعه 11 الصباح !! !!
0 أربع أمنيات لأربع نساء أوروبيات !!!!!!!!
0 قصة أم ريال .........!!!
0 عندما تتألم وتجرح من أعز الناس هل تفكر بالإنتقام..؟؟؟
0 ...:: كلمات لها معنى آخر !! ::...
قلب مخلص غير متواجد حالياً   رد مع اقتباس
قديم 10-04-2008, 05:28 AM   #2
-||[كبار الشخصيات في المنتدى]||-
 
الصورة الرمزية زهرة الاوركيدا
 
تاريخ التسجيل: Sep 2008
المشاركات: 2,124
معدل تقييم المستوى: 15
زهرة الاوركيدا is on a distinguished road
افتراضي


فعلا عفاشة وثقالة دم فيما لو افترضنا ان القصة حقيقية
ومالها داعي المزحه تطول كثييييير لو اعترف في البداية كانت خفة دم
بس مااعترف الا بعد سنة وش هالدفاشة لاوكمان بالنقاب والعبايه!!!!؟؟؟؟؟؟مصيبة
مشاعر الناس واحاسيسهم ماهي للعب والمزح ابدابس عشان يثبت انه ذكي
طيب هذا ذكاء مستخدم في الغباءفقط
والمسكين المخدوع راح فيها عموما القصة تنبية وتحذير من المزح المحرم وفيه ضرركبير
صلوا على النبي الكريم
استغفر الله استغفر الله استغفر الله استغفر الله


0 عمل رولات الشعر في البيت...............
0 مزرعة مليونير إمــاراتـــي ...
0 مسابقه اسلامية خفيفه جديدة.............رقم(2)
0 حـــكمة أعجبتني...................
0 بف التوست....دواير التوست....لاتفوتكم...
0 عندما تغضب انت من اي نوع...............
0 أُصيبَ بِصَدمةٍ نفسية..!!...............................
0 خَــان فـ هَــان..! .................................
0 حكم النكت........................................ ..... .........؟؟؟
0 وأين مكوكبها ؟ ........................
0 لمن يريد الحج هذا العام....هديتي لك
0 يحدث يوميا الساعة السابعة؟؟!!.............
0 الابراج تتحكم في حياتك
0 اعضاء ممنوعين من دخول القسم الاسلامي.......
0 ...........ق....
زهرة الاوركيدا غير متواجد حالياً   رد مع اقتباس
قديم 10-05-2008, 03:36 AM   #4
-||[قلم من الماس]||-
 
الصورة الرمزية مشاغب هادي
 
تاريخ التسجيل: Sep 2008
الدولة: المدينة المنورة
العمر: 35
المشاركات: 562
معدل تقييم المستوى: 13
مشاغب هادي is on a distinguished road
إرسال رسالة عبر Skype إلى مشاغب هادي
افتراضي


وااااااو ومن جد لووووووول فكرتني بشيطنتي وقت ماكنت اقلد صوت البنت الناعمه وكلمت واحد صديقي ذات البشره السوداء وهاذا معروف عندنا نفسو وأمنيت حياتو يكلم بنت وجاك المشاغب وماصدق اول ما اشترى شريحه جديده قبل مايوزعو لأصحابو قال لنفسو ياواد الخال نفسو يتكلم مع بنت ورقمي جديد كيف ....مممممم وأتصلت عليه وسرت أكلمو لمدة ثلاثه أسابيع ومسكين اتعلق بيا لين قالي وأعترفلي انو اسود البشره وقت ماقالها طبعا انا موووت من الضحك لاني انا مبينلو بصوت البنت اني بيضه المهم في النهايه اتبادلنا صور بعضنا وانا جيبت صورت بنت اندنوسيه إلي تجي في بعض الأرواب كأنها فتغرافيه وأعطيتو هيا وقلتلو اني جاويه مسعوده واتمنى الرجل الاسود طول عمري .........إلخ وللمعلوميه وانا بتكلم معاه جميع عيال حارتنا كانو يسمعو مكالمتنا ونضحك كل بعد مكالمه ونتونس عليه ....في النهايه بينتلو انا مين وبصوتي ردت فعلو كانت الــــــــــــبكــــــــــــــــــــــاء وطبعا اتزاعلنا ابو كم يوم كدا وبعدها حسيت بتأنيب الضمير لانو كانت مشاعرو فعلا صادقه وانا اتلاعبت معاه وطلبت منو يسامحني علشان لا احد في يوم من الايام يلعب بيمشاعري . تــــقبل مروري واسف على الاطاله


0 دائما تصــير معـــايا ومعــاكم ؟
0 لـــعبة الأندومي
0 كلمات تحبها المرأة ..فقلها لأمك .أختك .زوجتك
0 هل تعلم
0 يا اخوان افتحو وشوفو
0 قصة واقعيه .... انظرو ماذا يدور في التاكسي
0 كيف تدلعي زوجك ويحس بتدليعك له
0 الشمري -يمسح بكرامت شركة أرامكو الأرض
0 الفرق بـين البنت الناعمه و البنت الدفشه ياترا انتي من اي توع
0 تــفــاح ..... رمـــان ...... حليب ... فسبحان الله
0 يااحظو والله ... شوفو الراجل ايش اخد من الدنيا ..عجيب
0 هل تشكور من التوتر ...أضعط هنا
0 الدوره الشهريه للرجل
0 إكتشاف جديد بأن بعض ((النحل )) يشرب المسكرات
0 الفرق بين الرومانسية و الحب
مشاغب هادي غير متواجد حالياً   رد مع اقتباس
قديم 10-05-2008, 03:49 AM   #5
-||[قلم من ذهب]||-
 
الصورة الرمزية خوخه 2008
 
تاريخ التسجيل: Sep 2008
الدولة: في القلوووووووووووب
المشاركات: 340
معدل تقييم المستوى: 13
خوخه 2008 is on a distinguished road
افتراضي


قلب مخلص
يسلموووا بس ماله داعي ها لحركات الشباب ياسا ووها


خوخه 2008 غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية براكين من نار - سنا الإسلام $$$ الحب الخالد $$$ منتدي الروايات - روايات طويلة 13 04-21-2020 12:28 PM
اعرف شخصيتك الرومانسية من خلال اول حرف من اسمك عديل الروووووح منتدي علم النفس و منتدى حل المشاكل الاجتماعية 75 12-14-2011 12:09 AM
كلمات لاتنسى لعظماء على فراش الموت!!!!!!!!!!!!!!!!!!!!! الساهر112 المنتدي العام 18 02-25-2010 11:59 AM
إتفاقية سايكس بيكو من 1916م إلى 2008م يوسف بن مروان المنتدى السياسي والاخباري 0 09-22-2008 11:38 PM
خواطر قرانية{الجزء الثانى} !!!ياسمينة!!! المنتدي الاسلامي (الشريعة و الحياة) 9 09-11-2008 06:34 PM


الساعة الآن 12:30 PM.


Powered by vBulletin® Copyright ©2000 - 2020, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.