لو مالغلا والله ما جيتك...

[@روح الحب@]

جيت احْكِي آلامي
علّ العِذِر يكْفِي ..
ودِّ احْضِن ايّامي
حسّيتِنِي مَنْفِي .!

جيت آتعَذّر لك
جيت انثر الموجود
نادَت بِتِنْدَه لك ..
دمْعات فوق خْدُود ‘

ادري صعب ترضى
و الحِزْن ما يقضى
انسى جروحٍ سُوْد !
حبيبي .. تكفى عُوْد

لولا الغلا ما جيت
ولولاه ما حنّيت
لولاه ما تْخَلّيت ..
عن نفسي فوق لْحُود ..!

ذبَحْنِي الشوق معْتَرْفه , وجيتك مِن بَعَـد غيبـه
مِثل ما شاغِل افْكاري , مدري : شاغِلَ افْكارك؟
جروح الحب تِنْدَه لي .. وخفّاقـي يهلّـي بَـه
طيوفِك خيّمَت عنـدي , تذكّرنـي بِـأدْوارك‘
و قلبي عاد في حبّك , و ظنّي هذا هـو عيبـه
ترا ما كان يتْوَقّـع .. يُعُـوْد بْرجْلَـه لْـدارك!
حزين وحيل مِتْكَدّر , حبيبي انـتَ تـدري بـه
صارت تَدْنِي جْروحه .. و دايم يرحل لْنـارك!
مَهْما غبْت عن عيني .. وكِلْمَا جَتْنِـي مْصِيبـه
تبقى بْخاطِرِي اذْكِرْك , أحْلَم فيك .. واحتـارك

أدري : جَرَحْتِك حيل
لالا تْعيدَ هالطّاري
و ما جيتك بْهالليل !
الا مِن رِدَى اخْباري !

لا تكسرلي قلبي اكثر
تِفرَح بي يوم تْرَجّيتِك !
صدّقني : قلبي ما يقدر
لو أقدر : والله ما جيتك !
دونك دنيِتِي صعبه , احسّ الرّوح موجوعـه
تعال وطيّب جْرُوحي كفايه تجـرح احساسـي
تعال وْ طِير بي وارحل و خلّصني من الرُّوعَه
و خَلْنِي أبتسِم و اغرَق , تعال و رجّع انفاسي
أنا رمز الفخَر و العز .. دايِم فوق مَرْفُوعـه
ولاعمري رخَصْت الدّمْعْ , دومي رافعه راسي
ترا لو مَنتْ غالي ما ذِكَرْتِك من بعَـد لوعـه!
ادري بك على خبْري .. ولااخَبْرِك ابَد قاسي!
لا تستغل ضعفي !
اللي حصل يكفي ..
هالمرّه قلبي .. . .
. . . و هُو قلبي .!
ما واقف بصفّي
إذكِر
لو شي واحد طيّب !
أناقلبي في يوم حبيّب
انا كنت احبْ
واعشق من قلبْ
أذكر كان احساسي طيّب ؟!
أنا غير .. هالمَرّه
أنا هالمرّه مكسوره !
بدونك دنيتي مُرّه
أنا صدّقني مجبوره !
و قلبي ..
انطفى نُورَه .!
أنا جابَتْنِي اشواقي
وْغلاً في قلبي صاح
ذبْلَت كلّ أوراقي ..
قلبي من مكانه طاح !
شفْت الموت ؟!
: قدّامي لاآح .!
هَدَبْ عيني تَرَاهُو كَلْ , و كَـلْ وِيّـاه منديلـه
اقول انْ فزّت جْروحي لنوبات الوجع : نامي!
ونزفٍ عاش يشكي لي .. ودمعي عاش يبكي له
أحاول احتضن حبّك .. بعينٍ دمعهـا سامـي‘
الدّنيا عيّت تْلِمْنِي
و قلبي ما يكلّمني !
من يوم جرحي لك ..
جرحك حيل علّمني ,!
ذِبْلَت اوراقي ..
و هدّتْني الفصول ..
و النّدم شِفْتَه
حايم فالسّمَا ..!
قِمْت لِجْراحي
وانا كلّي ذهول !
حتّى جرحِي لِك ..
بْقَلبِي نِمَا ..!
انْحَرَق عُودي ‘
و هُو تَوّه بِلُول ..
ماتت احلامي
و احساسي سِمَا .,
وْ ذِكَرتِك و انعَرَف
سرّ الذّبول ..
نَبْتَةْ الدّمْ
والليالي ‘
و الظّما ../
ندَِمْت بكلّ ما فيني .. نِدَم قلبـي يِعَذّبْنِـي‘
ينادي لك : ترا اخْطَتْ , و بِفْرَاقِك تِجازيها
احسّ الرّوح تِتْوازى .. كأنّ الموت يَسلِبني!
كأنّ القلب ما يخفق .. كأنّي راح أخلّيهـا!
لا تطيّحني من عيني
لا تكرّهني بي اكثر !
حسّيت
إنّي : ما أبيني ..!
شفت نفسي : حيل اصْغَر .!
لو ما الغَلا .. .
. . . . والله ! ,
ما كاآن .. جِيتِك . ,!
والاانا نفسي عزيزه
وكلمتي وحده وجيزه
اوّلْ مرّه شيّ ينقص
أحس بَه شيٍّ أعيزه !



م/ن

يااااااااااااااااااارب تعجبكم....
مع تحياتي...
احلى سوسو...

[صوت ندى]

خاطره في غايه الروعه
الله لا يحرمنا من قلمك المبدع حبيبتي
تقبلي مروري

[صالح الفهيد]

روعه
يسلمووووووووووو
على وردة الخاطره ساري

[@روح الحب@]

مشكوووووووووووووووووورين حبايبي على مروركم العطر
واللي يسعدني وايد..

[زياني سعد]

تسسسسسسسسسسسسسسسسسسسسسسسسسلم ويعطيك العافية كلام القلب للقب على طول واليك اقول

ياما ترجيتك مرة ومرات ولا انت مبالي
هنتني مرة ومرات وصبرت قلت حبي ليش ابالي
ويا ما شفت منك جراحات والله ماك داري
نسيت فكرك ياااه والله لاتبالي
ما جيت ادور فيك لوعات روح هذا الله يجازيك يا هبالي
العفو