قديم 12-17-2008, 01:10 PM   #1
-||[عضو قادم بقوة ]||-
 
تاريخ التسجيل: Dec 2008
المشاركات: 2
معدل تقييم المستوى: 0
د.ليش is on a distinguished road
افتراضي !!!الدكترور==(ليش)==يسأل (ليش)؟!؟!؟!؟!؟!؟!؟!؟!؟!؟!؟!؟!؟


محمد.........محمد...............محمد!!
محمد!!!!!!!!!!!!!!!!!!!!!!!!!!!!!!!!!!!!!!!!!
قم!! يالله...... يالله قم البس بسرعه......المدرسة!!!
محمد:كم الساعة؟
امه:الساعة اللي بتموت فيها اذا ما قمت!!
محمد:لحووووووووول طيب خلاص
امه:خلاص؟!؟!؟!.......اي خلاص الساعة سبع الا ربع وانت نايم قم يالله!!!!
محمد:والله لو اني دجاجة اقوم الحين
امه:اضغط هنا لتكبير الصورهاضغط هنا لتكبير الصوره
محمد:طيب طيب خلاص قايم
امه:بسرعه!

هذا يوم طبيعي مثل اي يوم (طبيعي) ببيت محمد
بس احب اعطيكم نبذه عنه قبل لا تبدأ القصة

محمد طالب ثالث متوسط بمدرسة حكومية
محمد مثل اي واحد بالعالم يحس انه (الاذكى) ,بس هذا غير,هذا يحس انه عبقري زمانه, والسبب انه دارس برا الابتدائي,التمهيدي حتى الروضة.
المشكله انه يوم رجع هنا (السعودية)ومن ثاني يوم بالمدرسة...المدلل اللي اسمه محمد اللي كانوا المدرسين (اللي برا طبعا) يكلمونه اذا اخطأبغاية اللطف والرقة والحنان والاسلوب وال......اه بس
المهم...وين وصلت؟ ........... اي صح
عمنا محمد من ثاني يوم (مدرسة حكومية) ...........4كفوف وبقسين وترجيف!! من مدرس الدين
لانه رفض يفتح يده (خوفا لا عنادا)
المشكله انه انضرب اليوم الثالث ,شاف الوضع كذا (هنا) انقلب 180 درجة!!!
صار زعيم عصابة بالمدرسة
حتى انه كان يضرب طلاب التربية الخاصة من العنف اللي تولد فيه.....!؟!؟!؟!
محمد ما زال ابوه برا يحضر الدكتوراه وهو هنا يتمزع ويقوم برعاية اهله لانه هو رجال البيت:015:......لاتعليق.

مشكلة محمد انه ولي امر نفسه من يوم ما رجع من برا.
وانتم تعرفون...وتعرفون زين انه لو سويت اللي سويته بالمدرسة ما راح يعرف عنك احد خاصة ان محمد ما فيه احد يسأل عنه لا بالمدرسة ولا بغيرها.

محمد برا المدرسة ماعنده اصحاب. وخلني اقولكم ان القصة تبدأ من هنا....
ما كان يماشي احد برا المدرسة.
وانه يطلع من البيت مع اخويا او روحات او جيات او حتى المسجد هذا مستحيل.
الا المشاوير الخاصة بالمقاضي (بقاله , مطعم, حلاق...الخ)

في الدور الثاني من الشقة اللي كان ساكن فيها مع اهله...كانوا اهله طالعين عند جدتهم , محمد رفض يروح معاهم لانه حاب يجلس يتابع مباراة .... طبعا الهلال (نصكم مب مكمل القصة من هنا)
عبقرينو محمد بعد ما راحوا اهله قال: انا جيعان ومعاي فلوس....ليش ما اروح اجيبلي عشاء؟؟؟؟؟؟؟؟؟؟:015:

انطلق....البس....لا تنسى الفلوس....النعال......طرررررررع!!!! سكر الباب وراه
وش صار؟؟؟؟
نابغة عصره سكر الباب وما معاه مفتاح,واللي ساكن منكم بشقة يدري انها ما تنفتح من برا
وجواله نساه جوا الشقة

محمد:
ثالث متوسط بس .........يالله
راح سوالي ماصار شي, راح وتعشى وشاف المباراة وراح انطق مثل السواق برا العمارة ينتظر اهله
ومشكلة اهله انهم حريم......يعني ما يرجعون الا ثنتين....وعمنا جالس يبي ينتظرهم من عشر
ولاول مرة ذاك اليوم يصلي بالمسجد...
المهم....الشقة اللي جنبهم كان في واحد (بعمر محمد تقريبا) طالع من العمارة
يناظر بمحمد وهو جالس على الرصيف
قرب........قرب....
محمد:وش يبي ذا؟!؟!
مد يده...السلااااااام
محمد:وعليكم السلام هلا
الجار:معاك فهد
محمد:هلا فهد انا محمد وش تبي؟؟؟ أءأ أءء أأقصد.....أقصد هلا ...هلا فهد
فهد:وش فيك جالس هنا؟؟؟؟
محمد:والله سكرت الباب وما معاي مفتاح واهلي برا.
فهد:لا ياشيخ.......طيب يالله قم ادخل عندي لما يجون اهلك.
محمد: لا شكرا والله ابجلس هنا مب مشكله.
فهد:اقول يالله قم بس
محمد:انشالله.

ومرة بعد الثانية يتقابلون و يروح محمد عند فهد وفهد عند محمد لما صاروا اعز اخويا .....بس..... راعين مشاكل ولا عليهم لا حسيب ولا رقيب, وتقدرون تقولون ان فهد هو المتحكم بزمام الامور شوي.
يعني.......طلعاتهم تبدا الساعة 12 بالليل لان ابو فهد يداوم ليل
ومحمد وفهد يطلعون هالوقت....يا عند فهد او يدورون بالحارة او يرجمون سيارات او.........
وكل هذا ما عندك احد يسال لا عن هذا ولا هذا

وفي يوم من الايام بعد ما اخذ الهلال البطولة وطلعوا من الملعب دق جوال فهد.....

فهد:الووو هلا خالد.....اخبارك؟........وين.......خلاص......جايينك
محمد:من هذا
فهد:هذا خالد يبينا نجي عنده
(((((((خالد 18 سنه=صديق فهد)))))))))
وصلوا عند بيت خالد الساعة 12:30 بالليل.
خالد:وينكم؟؟؟؟!!!!!!
فهد:والله زحمة الملعب وجلسنا لما تسليم الكاس ,وبالمضارب لقينا تكسي و......خلها على ربك بس.
خالد:اسمعوني انا ما اقدر ادخلكم بيتي الحين الشايب بيسويلي قلق, بيجي خويي بعد شوي ونطلع ندور معاه.
محمد:ندور معاه وش نسوي؟
فهد:نشوف العالم وهم يحتفلون بالبطولة.
محمد:ومنهو خويك هذا؟
خالد:واحد اسمه عبدالرحمن اع..........هذا هو!
السيارة اللكزس 430 اللي وقفت لا فهد ولا محمد كانوا يحلمون انهم يركبونها (متعودين على التكاسي)
خالد:فهد محمد هذا عبدالرحمن...عبدالرحمن...فهد ومحمد.
عبدالرحمن: هلا هلا والله......اركبوا لا تستحون
محمد يهمس باذن فهد: مب كانه كبير شوي؟؟؟

فهد:الا بس هذا كل الشباب يعرفونه
محمد:طيب؟؟
فهد:اقول خلنا نستانس بس
محمد:يالله
راحوا وين (للي ساكنين بالرياض بس)
اكيد....(التحلية)
طبعا اول مرة محمد يطبها
استهبال وصراخ والعالم فوق السيارات واللي صابغ وجهه ازرق واللي يضربون واحد لابس اصفر واللي شاق الشكمان ومزعج العالم واللي وصوت الاغاني يهز البلد كلها وراعين المحلات طالعين واللي يصور واللي.............
وكانت من اسعد لحظات محمد
عبدالرحمن:تبون شوط؟؟؟
محمد لفهد:وشو الشوط؟؟
فهد:شوط=أي جولة من التفحيط
محمد:؟!؟!؟!؟!؟!؟!
خالد:قداااااااااااااااام يالله عطنا شوط!!!!!!
وبسرعة 180 فحط الاخ عبدالرحمن بالشباب واعطاهم ارعب لحظات حياتهم.
وانتهى الازعاج كله بعد ما جت الدوريات و تفرقت الجموع وبدت الرياض ترجع للهدوء واتجه عبدالرحمن بالشباب كل واحد على بيته.....وصل خالد بعدين وصل محمد وفهد لعمارتهم.
يوم جوا ينزلون قال فهد لمحمد:ابنتظرك فوق.
محمد:تنتظرني ليش؟
عبدالرحمن لمحمد:عادي لو اكلمك دقيقة بس؟
محمد:الحين؟
عبدالرحمن:ايه
محمد: ايه عادي
فهد:ابنتظرك فوق.
عبدالرحمن:شف يامحمد انا عارف ظروفك العائلية ترى ما عندي مشكلة لو تبغاني اوصلك للمدرسة او اي مكان ثاني....
محمد:؟؟؟!!!
عبدالرحمن:عادي لو اوصلك المدرسة؟؟
محمد:..........ايه عادي.
عبدالرحمن:خلاص اجل...متى تروح
محمد:المفروض 6:30 بس سبع.
عبدالرحمن:خلاص......سلام.
فهد:وش يبي؟
محمد:لا تسوي نفسك ما تعرف.
فهد:وش يبي اخلص بسرعه
محمد:يقول بيوصلني المدرسة.
فهد:حظك!!!
محمد:طيب امش معاي.
فهد:لا لا انا.....انا لازم اوصل اختي المدرسة.
محمد:على راحتك
محمد:لازم ادخل انا...يالله سلام
فهد:سلام
دخل محمد لشقته ولقى امه بالستقبال (كالعادة)
ام محمد:وينك
محمد:ماما.....تعرفين مبارات الهلال ونهائي....لازم اتأخر.
امه:ومتى يمديك تقوم المدرسة وتلبس وتصلي وعلى بال ما تلقى تكسي وعلى با..
محمد قاطع امه:صح نسيت اقولك, في واحد بيوصلني المدرسة
امه: منهو؟؟
محمد:واحد يعرفه فهد قول انا مستعد اوصلك المدرسة
امه:جزاه الله الف خير,على الاقل يوفرلنا فلوس
محمد:ماما, ماهمك الا الفلوس
امه:والله لا عرفنا وين ابوك اللي له سنتين ما احد يدري وينه وصار يرسلنا مصروف وقتها ما اهتم بالفلوس, لكن الحين...ايه ما همني الا الفلوس! (قوية)
محمد:..........تصبحين على خير.

وجاء اليوم الاول ووعبدالرحمن وصل محمد للمدرسة,وطلب منه طلب غريب!
عبدالرحمن:محمد........اختك الكبيرة من يوصلها المدرسة؟
محمد:باص.
عبدالرحمن:اها................يالله هذي المدرسة سلام.
محمد:شكرا...مع السلامة.
بكرة نفس الوقت
عبدالرحمن:الووووو, محمد انا عند شقتكم.
محمد:دقيقة ونازل
وركب السيارة محمد
عبدالرحمن:اسمعني ابقولك شي
.............كلمت فهد وخالد وتواعدت معاهم انا نطلع كلنا
محمد:متى؟
عبدالرحمن:الحين
محمد:الحين؟!؟! والمدرسة؟!؟!؟!
عبدالرحمن:ما عليك انا ادبرها بس جبلي رقمهم.
محمد:امممممممممممممم........طيب عطني جوالك
محمد:الووووو ماما عطيني رقم المدرسة............بس ابيه.........طيب شطرا
عبدالرحمن:اعطتك اياه؟
محمد:ايه
عبدالرحمن: 012803374.......الو.........السلام عليكم.......انا ابغى استاذن لطالب عندكم ما يقدر يجي الحين بيتاخر شوي...............انا خاله............طيب شكرا
محمد:؟؟؟؟؟
عبدالرحمن:خلاص دبرتها, بس شف لازم اوقف عندي بيتي اباخذ شي طيب؟؟
محمد:طيب.
عبدالرحمن:تبي تسوق؟؟؟
محمد بكل صدمة وفرحة بنفس الوقت:الحين
عبدالرحمن:ايه الحين.
محمد:قدام.
خذاله محمد لفتين وهو طاير من الفرحة(اول مرة يسوق بحياته).
عبدالرحمن خلاص وقف على جنب عشان نروح لبيتي.

وصلوا عند بيت عبدالرحمن بس استغرب محمد ان عبدالرحمن قعد يلف ويدور فيه بشوارع ما توصل للبيت,
بالعربي حس محمد انه يبغى يوهمه ان البيت بعيد.
عبدالرحمن:يمكن اتاخر شوي وش رايك تنزل؟؟
محمد:لا لا ابنتظرك هنا
عبدالرحمن انزل انزل انا ابتاخر شوي يمكن ربع ساعة.
محمد:طيب ابنتظرك هنا
عبدالرحمن بصوت قوي شوي:اقول انزل وش يقولون عني الناس لا شافوك بسيارتي!
محمد:خلاص ولا يهمك , لاتعصب بس.
دخل محمد البيت دخله عبدالرحمن اول غرفة عاليمين.
عبدالرحمن:شوي وابجي.
محمد:طيب عطني جوالك ابكلم فهد.
عبدالرحمن:امسك.
ويتصل على فهد محمد لمدة عشر دقايق تقريبا جواله مقفل
وهو جالس يتأمل المجلس الكبير والستايل السعودي.
جاء عبدالرحمن وجايب معاه الجرايد وجلس يقراها.
ومحمدجالس يتفرج عليه
دقيقة دقيقتين ثلاث..........هدوووووووووء
محمد:عبدالرحمن
عبدالرحمن حتى بدون ما يرفع عيونه عن الجريدة:نعم!
محمد:فهد مقفل جواله.
عبدالرحمن:ادري!
محمد:ما حنا طالعين؟؟؟
عبدالرحمن بصوت عالي شوي: خلني اقرا الجريدة.
محمد:والى متى بنجلس هنا؟
عبدالرحمن بنظرة حقد وكأن جهنم كلها بعيونه بس مع ابتسامة شر مرعبة:شوي وجايك أودي الجرايد وأجي.
محمد يكلم نفسه: وش يبي ذااااااا؟؟؟؟؟؟؟؟؟
وبعد خمس دقايق جاء عبدالرحمن للمرة الثانية بس هالمرة سكر الباب وقفله.
محمد بهاللحظة هذا حس سيل من الادرينالين يمشي بجسمه كأن قلبه بيطلع من حلقة من قوة النبضات.
على العكس تماما عبدالرحمن,اللي راح انسدح عالكنب واخذ الفروة وتغطى فيها.
محمد بصوت متقطع ويطلع من قلبه:ليش قفلت الباب.
عبدالرحمن:تعال واقولك ليش.
محمد:...........افتح الباب!!
عبدالرحمن:اقول,لاتكثر كلام علق ثوبك وتعال!
محمد خطوة ورا خطوة يمشي على ورا من دون عقله
عبدالرحمن غير جلسته وطلع سكينه من تحت فنيلته
تعال!!!!!!! ولا هذي بتخليك تجي!!!
محمد اللي كان يموت بإمام الحرم الشريم:إن الذين لا يرجون لقائنا ورضوا بالحياة الدنيا واطمأنو بها والذي....عبدالرحمن اقول تعال!!!! وبلا فلسفة تحسبني مماشيك عشان ايش؟!؟!؟ .................................................. ....................
.................................................. ..................................
ما يحتاج اني اكمل المقطع هذا لان الكل يعرف وش صار.

وصل عبدالرحمن محمد المدرسة ومحمد في لحظة صمت وذهول ورعب و......

محمد يمشي بهذي اللحظات ما يدري يرفع راسه للسماء ولا يطمسه للارض,مايدري يبكي ولا يضحك,مايدري يروح يدخل المدرسة ولا يوقف بوسط الشارع يمكن تصدرمه سيارة ويرتاح.
قرر انه يرجع لبيته.

وجلس يبكي طوال 5 ساعات متواصله من دون ما يرد على نداء امه او طرقها العنيف على باب غرفته المقفل.
وقرر انه ما يعلم احد الا فهد.
طلع يدور فهد لقاه يكلم قدام باب شقته يكلم, ويوم شاف فهد محمد سكر على طول جواله.
محمد:من تكلم؟
فهد:ما كنت اكلم احد.
محمد:اذا كنت ما سك الجوال وحاطه على اذنكوجالس تتكلم هذا معناها انك كنت قاعد تكلم!
فهد:كنت اكلم عبدالرحمن.
محمد؟؟؟؟؟؟!!!!!!!!!!
فهد:ليه في شيء.
محمد:لا مافي شي
محمد:فهدابسالك سوال.
فهد:اسال.
محمد:من متى وانت تعرف عبدالرحمن؟؟
فهد:يوم المباراة.
محمد:لا تكذب!
فهد:اكذب ليش؟؟
محمد:لانه طول ما انا معاك ما عمرك اخذت رقمه والحين انت قاعد تكلمه.
واسمك موجود بجواله.
فهد بتلعثم:اا....اعرفه من سنتين بس ما جت فرصة اني اقولك.
محمد:طيب انا لازم ادخل مع السلامة
دخل سكر الباب ودخل غرفته وعرف وقتها انها لعبة من فهد وخالد مع بعض.
وبدت الامور تتضحله,كل كلمة وكل حركة وكل صغيرة وكبيرة قام يربطها ببعض ويستنتج ولكن بعد فوات الاوان.
محمد ما كان يقدر يشتكي للشرطة لان عبدالرحمن ما اغتصب محمد ولكنه شبه اغتصاب بس ما فيه دليل!
قرر محمد انه يكتم عالموضوع ويسحب على فهد,وبعناء شديد اقنع امه انه ينقل من العمارة ,اصابه مرض نفسي خلاه يرسب ويعيد السنة ,صار عنده كره للمجتمع وكتم المصيبة كلها....جوا قلبه.




هذي ما هيب فلم هندي اسرده لكم ولا قصة من نسج الخيال احكيها
هذي قصة انا اعرف صاحبها شخصيا وكل كلمة فيها حق والله على ما اقول شهيد.
بس انا حبيت اسردها لكم وانا قش الموضوع هذا اللي يتضرر منه الكثيرين امثال محمد.
الشباب اللي يدرسون فاهمين وش اقصد.
انا ما احب ابالغ لكني والله العظيم اني درست بفصل سنة من السنين 90% منهم منحرفين جنسيا.
الى متى إذا جوا يتكلمون عن التفحيط قالوا شباب طائشين!
مايدرون ان 95%من التفحيط هذفه استدراج الغلمان و4%ترويج مخدرات و1%طفش (وهذا يهون)
الى متى كل الناس ساكتين؟!؟!
ليش ما فيه احد يتكلم يتحرك يسوي شي؟!؟!؟!
انا اعرف ومريت وكلمت الكثيرين من امثال محمد....السؤال العجيب الغريب... من لهم هذولا؟؟؟


بس انا ابطلب طلب من كل واحد بيكتب رد, انه يكتب الاسباب اللي هو او هي يعتقد انه السبب بوقوع محمد كصيدة للأشكال هذي.


انا اسف يا شباب بس انا ما جيت هنا علشان ازود عدد مشاركاتي او اكسب صداقات او اصير عضو فعال او غيره, انا جاي عشان محمد وامثاله من اخواني اللي يحتاجونا.
لأن صدقوني يا شباب, مواضيع مثل هذي ما فيه احد تفضفضله فيها خاصة اذا كانوا صغار

وهذي اول واخر موضوع اكتبه فأرجوكم أبغى رأي كل واحد لأن كل واحد رأيه مهم

وشكرا لكم.



اخوووكم د.ليش


د.ليش غير متواجد حالياً   رد مع اقتباس
قديم 04-11-2017, 03:19 PM   #2
-||[قلم من ذهب]||-
 
الصورة الرمزية Mujahid
 
تاريخ التسجيل: Nov 2016
العمر: 25
المشاركات: 226
مقالات المدونة: 3
معدل تقييم المستوى: 5
Mujahid is on a distinguished road
افتراضي


بالجد قصة محزنة
في أعتقادي السبب يرجع إلى فقدان التربية


التوقيع
الآن يمكنني أن أطلق العنان لمخيلتي سأبدع وأخترق المستحيل وسأبحر في محيطات الأمل وسأجدف بعصاة المستقبل وأنظر بمنظار اليوم ،، كفاي تشاؤما وحزنا سأرحل بعيدا حيث الغد المشرق وسأكتب بريشتي ما يلهمني له ربي فلك الحمد يارب السموات والارض‎"Teal"][/COLOR]‎‎
Mujahid غير متواجد حالياً   رد مع اقتباس
قديم 04-15-2017, 02:36 AM   #3
-||[عضو فعال]||-
 
تاريخ التسجيل: Apr 2017
المشاركات: 9
معدل تقييم المستوى: 0
عاسفها is on a distinguished road
افتراضي


شكرا على القصة بارك الله فيك


عاسفها غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:52 AM.


Powered by vBulletin® Copyright ©2000 - 2021, Jelsoft Enterprises Ltd.
المقالات أو المشاركات أو الآراء المنشورة في شبكة منتديات برق بأسماء أصحابها أو بأسماء مستعارة لا تمثل بالضرورة الرأي الرسمي لشبكة برق بل تمثل وجهة نظر كاتبها.