دام العنا وجروح قلبي مزاياك!!!!!

[جميل المحبين]

السلام عليكم ورحمة الله وبركاته


مجبور اجامل ذاك واضحك مع ذاك
واخفي طعوني بيـن قلبـي وبينـي


خيّرتنـي بيـن المذلّـه وفـرقـاك
واخترت اعيش العمر رافع جبينـي


جرح الفراق اهون من جروح لاماك
ما عاد لي قوّه علـى مـا يجينـي


صد والم وجروح هـذي عطايـاك
وانا عطيتك زبـدة احـلا سنينـي


يا كثر ما صافي الغلا يالغضي جاك
ويا قلّما هو مـن غلاكـم يجينـي


يمناي مدّت لك غلا وانـت يمنـاك
مدّيتها تطعـن برمـح(ن) سنينـي


هذا جزا قلب(ن) على الغيد بـدّاك
وعن حب غيرك صام واقسم يميني


قد كنت لك اقرب من الهمس بشفاك
وانت اقرب لعيني من رموش عيني


واليوم يا طول المسافـات يـا ذاك
ناظر بعينك شوف وينـك ووينـي


طبع الزمن داير بـدورات لفـلاك
مثل الرحـاه ام الجنيـب المتينـي


دام العنا وجـروح قلبـي مزايـاك
وفي الحب دينك ما يوافـق لدينـي


ما عاد لي حاجه لمثلـك وشـرواك
اقولـهـا والشـاهـد الله يقيـنـي


ومثل ما نـا عشـت قبلـك بليّـاك
بعيـش بعـدك مـا تبيّـن كنينـي


بطوي شراع الحب قررت بنسـاك
وبصبر على ما جا وربي عوينـي


الذنب ذنبك انـت وحـدك ولـولاك
ما انهار مبنى قصر ساسه رصيني


هذي النتايـج كلهـا مـن سوايـاك
العب بهـا مسحـوب ولاّ هجينـي


يا قلب ما صابك مقدّر ولا اخطـاك
العمر رحلـه زيـن فيهـا وشينـي


احيان داك يكون في بعضـه دواك
مثل العلاج اللـي بميسـم سخينـي


اضحك مع هـذا وجامـل مـع ذاك
واصبر على ما جـاك والله يعينـي

[نسيت جروحي]

يا قلب ما صابك مقدّر ولا اخطـاك
العمر رحلـه زيـن فيهـا وشينـي
رووووووووووووووووووووووووووووووووووووووووووووووووو ووووووووووووووعه
يعطيك الف عافيه ابيات رائع لكاتب اروع

[نسيت جروحي]

رووووووووووووووووووووووووووووووع يعطيك الف عافيه

[عنيد الدنيا]

مشكوووووور والله يعطيك الف عافيه قصيده رائعه

[ღღ غصن الأراك ღღ]

مشكور اخوووي جمييل علي الشعر الجمييل
مره رووعه مشكور وانتظر شعرك المميز