طف طف + جذابه + روح الحب + فراشه

[$$$ الحب الخالد $$$]

اليوم بعلمكم فضيحة رباعي السحالي المرح (فراشه * روح الحب * جذابه * طفطف )

في البداية اتفقوا السحالي الأربع ( سحالي الننجا) على انهم يعيشون ليلة كامله مع بعض من بعد صلاة العشاء الين الصبح يطلع ويناظرن منظر الشمس ( يقطع ابو رومنسية هالسحالي)
المهم اتفقوا يجتمعن عند الفراشه بما أنها اكبرهن ولها الحق ( ماشاء الله راعيات حق واجب هالسحالي)
اول ماقال المأذن الله أكبر لصلاة العشاء الا وكلهن في غرفة فراشه عاد تعالوا شوفوا واسمعووووا أنواع الصراخ والبوسات من زود شوقهن لبعض
واذا بصوت الصراخ يعلو ويعلو ويعلو بعد ماكتملت البشكه قلبوها عزى من كثر النحيب والدموع المتلاحقه (دموع الفرح)

ويقطع هذا الاحتفال أبو فراشه قائلا:فروشه ألا يامال
الماحي و ..؟؟؟(مشفر) قصري حستس فضحتينا وش هالمسخرة والصراخ الي ماله سنع وانوااااااااع الطلبه طبعا ردة فعل فراشه المعتادة انها راضت ابوها بكلمتين وصكت الباب وعلشان ينكتم الصوت بالمره تك تك قفلت الباب بالمفتاح منعا لاي احراجات من الفضاء الخارجي
طبعا ارتزو السحالي فوق سرير فراشه وكل وحدة طايرة من الفرحه لانهم واخيرا اجتمعو بهالغرفه

السحالي ما صدقوا خبر انهم يتقابلون وانواع السوالف الي ماتخلص وكل وحدة تتكلم وش صارلها والساعات مرت وهم ولا هم هنا راح موعد العشاء وهم داخلين بجو ثاني غير جو العالم

الا اشوي جذابه السحليه طف طف تقول: يوووه يا فراشه انا ميته من الجوع من امس ما كليت شي على الكيت كات الي كليته البارح

ولجت الشله عاوزين ناكل عاوزين ناكل ( تقول كنهم في مظاهرات )

قالت فراشه طيب انا بنزل للمطبخ اشوف شي ناكله وانتم خذو راحتكم

السحالي قالوا بصوت واحد:اوكيك بدون كيك(عبارة يقولنها فيما بينهم بمعنى كلمة OK)


أنزلت فراشه متمصعه انها بتلاقي شي ينوكل لكن يوم دخلت للمطبخ لقت يدها والخلا ولا شي فيه ماشالله كل شي انوكل ولا عاد باقي الإ ذكريات الاكل

احتارت فراشه هي ماتعرف تطبخ والسحالي اللي مجمعتهم فوق كل وحدة أرفل من الثانية وش تسوي والسحالي دايخين يبون ياكلون وش السواة قعدت تفكر
قالت بسسسسسسسس لقيتها مع طقة الاصبع ونطله يمين ونطله يسار

وطلعت تررررررركض تسابق الريح ودخلت الغرفه

قالت شوفو يا بنات ترى الشعب ما تركولنا شي ناكله او حتى نسد جوعنا فيه
وعندي فكرة بأقولها وش رايكم ندخل مغامرة جديدة ونضيفها لسجلاتنا الحافله
بالمسرات والكفشات ولعنة الجدف وش قلتوا

السحالي طارت بوهتهم وقالو بصوت واحد وش قصدك يا فرفر(فراشه) انتي قولي وحنا قداااااااام معك بكل شي تسوينه

قالت فراشه وش رايكم لو نسطو على سيارة اخوي الـ مآزده
المفتاح فوق الطاوله بالصاله والشعب نايمين ندق السلف واقرب مطعم يضفنا هاااااااا وش قلتوا

ردن السحالي وبصوت واحد قدااااااااااااااااااااااااااااااااام لعنبو ورى
(عرابجه هذولن مو بنات)

قالت روح الحب يا بنات مانقدر نطلع بهالشكل لازم نطق الثياب والشمغ ونتلطم لان لو العالم شموووو خبر انا بنات بنروووح بخرايطها (والله نبيهه هالبنت عسل هههه )

قالت جذابه هذا اللي كنت افكر به من شوي بس من وين نجيب الثياب والشمغ

فرردت فراشه بصوتها الخاثر لاتشيلون هم هالموضوع خلوه علي
ثياب أخوي تفكلنا ازمة بس انتم خلكم هاديين والباقي علي

وجابت فراشه الثياب والشمغ وكشخن السحالي بالزي الرسمي

قالت روح الحب وهم توهم عند الباب الحين يوم انا طالعين وكلنا ثقه لا وبعد كاشخين من الي بيسوق السيارة

ردت طف طف وهي مطنبرة بخشته اقول اسكتي انتي ووجهتس الي يسمعتس يقول وراتس سالفه (ههههههه عسل العربجيه راعية هجولة )

والقطي طف طف المفتاح وأرتكي للدركسون ونطت فراشه جنبها قدام وروح وجذابه ورى

أول ماركبوا السيارة طاحت عين طف طف على بكت التتن مالبورو ابيض
( ترى مدري بكت الدخان لأخو فراشه أو لأحد من اخويان أخوها وناسيه مدري)

قالت طف طف أحلاااااا (مع طقة الاصبع )الحين ابضبط لكم الدور واشب تتنه وحطها بيدي عشان محد يشك ان حنا بنات

سألتهم فراشه وش تبون تاكلون؟
قالو اي شي بس ماظنتي يكون فيه مطعم مفتوح هالوقت

قالت فراشه ما عليكم اتركوا هالموضوع علي انا ( والله مهي سهله الفراشه )
بس وش رايكم ناخذلنا لفه بالتحليه نوسع صدورنا ونستانس شوي
ووقتها نشوفلنا مطعم يضفنا ونسد جوعنا فيه

المهم وادعسي ياطف طف للموتر وهي رافعتن راسه ( تقل حية كوبراء ) محد قدها تسوق مآزدا

ألين وصلوا بسلام ولقوا قدامهم انواااااع الزحمة

قالت فراشه :عسى الله يستر من هالزحمه انتبهي يا طف طف لاتوهقينا ترانا موب ناقصين
كلهم مهبل وماوراهم الا المشاكل ووجع الراس تكفين ياخيه

قالت طف طف وهي راكزه خشتها بكلمات تنم عن الثقه ماعليتس تراني قدها وقدود
وردت جذابه وروح :هذا العشم فيتس بس يالله شوفو لنا مطعم ترى وصلنا حدنا

و لقوا مطعم لبناني على وشك ان يقفل استعدادا لصلاة الفجر

قالت جذابه :الحين ممكن افهم وشلون بننزل لو نزلنا عز الله رحنا فيها

قالت طف طف:ابشششري بالخير بس خلني اعطي ذا اللبناني نغمتين من السيارة نغمتين بيب بيب بيب بيب

وشوي الا واللبناني محظر عندهم ( عاد خذ هرج اللبناني المصفصف )

والسحالي ساكتين خوفهم اصواتهم تفضحهم بس جذابه تعجبك راعية مواقف فكت اللطمه واشرقت بوجهها الساحر وانوثتها المتفجرة(صارت قنبله ماهيب أنوثه ههههه)
وقالت:شف حنا 4 بنات ميتين من الجوع والا ماكان طلعنا بهالحزة فلو سمحت هات المنيو بدون اي تساؤلات او تعليقات وماله داعي احد يدري بأننا بنات

تنح اللبناني من قلب مايدري وش يقول بس سحب نفسه وجابلهم المنيو
وكل وحدة قامت تتشرط ابي ذا وخاطري بذا وجيبولي من ذاك وعطنا ذا وهات لنا من ذاك

المهم اللبناني خذ طلباتهم وكلها دقايق والطلبات عندهم ..

وقال: لك تأبريني الحساب 322 ريال

السحالي انهبلوا كل وحدة فاغرتن فمها ماتدري وش تقول نسو يجيبون الفلوس

عاد من بيفكهم من روح الملسونه هي ودلعها وبالفعل انطلقت بصوتها:
نعم نعم ماشاللللللللللللللله الحين مسحبينا من البيت ومن فجر الله لا لا وبعد بكل ثقه طاقين الشمغ والثياب وانتي ياهانم مولعتلي الزقارة على بالتس ضابطة الدور الحين مسويتلها فيها واااااااخرتها مامعكم فلوووووس
( خخخخخخخخ اقبعت بين السحالي خخخخخخخ)

طبعاً اللبناني سحب الاكل اللي طلبوا وهن قعدنبها من الجوع

رجعوا للبيت وكل وحده مادة خشتهاااا مترين قدامها ولاعاد لكل وحدة نفس تناظر لثانيه والاخلاق صارت تجاريه

وتوهم يفتحون الباب بالريموت بيدخلون السيارةإلا أبو فراشه وأخوها واقفين قدامهم ( انواع الجلد والصراخ وتطايرت الشمغ واللطم تفككت ولاعاد به الا صياح ونياح ههههههه)

صحيح النصيب الأكبر من الجلد خذته فراشه لأن الباقيات ماعاد تشوف الا عجتهن شردن ووقفن لموزين لكن كل وحدة جاها نصيبها في بيت اهلها


وعقب قصتهن هذي انتهى مستقبل كل وحدة منهن
وجوالاتهن سحبت
ولاعاد فيه منظر الشمس وهي تشرق بالصباح


ملاحظة : ( بعدين اكمل لكم وش صار مع السحالي اللي شردن باللموزين بالحلقات الجايه )



ولكم مني اطيب تحيه
الخالد

بس انتبهوا ما فيه زعل هههههههههههههههههههههه

[$$ دلع $$]

ههههههههههههههههههههههههههههههه
مره حلوه

[بنت الاردن]

ههههههههههههههههههههههههه

حرام عليك يا محميد عجبت على البنات

كل هذا مقهورين منا بس ربك رحمك

لانك ما حطيت اسمي معهن ولا كان جبت

فيك كل الاعياد مو عيد واحد بس

هههههههههههههههههههههههههههه

يلا يا احلى بنات بدي اشوف

كيف رح تجيبوا العيد في الخالد

[الولد اللطيف]

ههههههههههههههههههههههههههه

وربي جبتهم يازعيم انا اشهد لك انك احلى زعيم ...

والله مت ضحك ... في عبارات موت ...

( سحالي الننجا)(دموع الفرح) ( تقول كنهم في مظاهرات )(عرابجه هذولن مو بنات)(صارت قنبله ماهيب أنوثه ههههه)
هههههههههههههههههههههههه

والله جبت اعياد فيهم ...

الله محييك يازعيم ....

تقبل مروري ...

الولد اللطيف ....

[@روح الحب@]

هههههههههههههههههههههههههههههههههههههههههههههههههه هههه
هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه ه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههه

خويلد تراني ما كلمتك ولا جبت طاريك خير وش سويتلك عشان تفضحني كذا

بس وربي اني ضحكت من قلبي والله
ههههههههههههههههههههههههههههههههههههههههههههههههه

هههههههههههههههههههههههههههههههههه

وبقولك سر بس لاحد يدري ....؟؟؟؟

ولا اقولك خليها بعدين
هههههههههههههههه

تحياتي لك ياخويلد وترا مردوده انت ووجهك والله لاوريك
.................................