10-25-2009, 05:14 AM
|
#1 |
|
-||[عضو فعال]||-
تاريخ التسجيل: Oct 2009
الدولة: الشرقية فديتها
المشاركات: 41
معدل تقييم المستوى: 0  |
عيال الليل
السلام عليكم ورحمة الله وبركاته
شخباركم هذي اول مشاركة لي في المنتدى واتمنى تحوز على رضاكم , طبعا (عيال الليل ) لاتعتبر قصة قصيرة ولا رواية طويلة , راح نعتبرها قصة طويلة , القصة رومانسية خيالية انسانية , تتكلم فيها على حياة شريحة من المجتمع متواجدة بيننا , طبعا القصة انا كاتبتها , وماراح اطول عليكم نبدأ بسم الله
|
|
|
|
10-25-2009, 05:19 AM
|
#2 |
|
-||[عضو فعال]||-
تاريخ التسجيل: Oct 2009
الدولة: الشرقية فديتها
المشاركات: 41
معدل تقييم المستوى: 0 |
عيال الليل
آخر يوم من أيام الحج والكل جهز شنطته وبعد ماادو فريضة الله في بيته العتيق , الكل حج واغتسل من ذنوبه ورجع مثل ماولدته امه كله طهارة ونقاء , الا ثلاث حريم كانت دموعهم تتساقط بحرارة طول أيام الحج , وهم في بيت الله بعد صلاة العصر , كانت أم عبدالله تدعي ربها بتوسل أنه يقبل توتبها , تخاف تطلع من بيته وهي بعدها نجسه مابعد اغتلست من ذنبها , سلمت وبقايا دموعها على خدها , أم صالح : ياأختي وش فيك , ليه الدموع هذي كلها أم عبدالله : ادعي ربي انه يغفر لي ذنوبي وفي ذنب ارتكبته أتمنى ينمسح من صفحتي قبل ماأقابل ربي أم أحمد : خلي ايمانك بربك قوي وربي هو الغفار وان شاء الله دعائك يوصل , لكن وقفي بكي قطعتي قلبي. جلسوا بعد الصلاة قدام الكعبة : أم عبدالله : يارب احسن خاتمتنا ويارب توفق ولدي وتستر عليه أم أحمد : كم عمره ولدك ؟ أم عبدالله : اتوقع فوق ال 21 سنة أم صالح : بنظرة أستغراب !! أتوقع أنتي ولدك مو عايش عندك أم عبدالله : لا مو عندي ماعمري شفته ولا اعرف عنه ولاااشي وبدأت تبكي , انا يا طويلات العمررر , كل سنة تمر علي يزيد عذابي ولدي يكبر وهو موبحضني بس انا السبب انا الي خليته يعيش بعيد عني , بدأت تقص لهم قصتها المؤلمة ... أنا تزوجت واحد يشتغل في شركة سابك في الجبيل , وعشت معاه سنتين بس , كان شغله شفتات ويجي تعبان ياكل وينام وانا طول الوقت جالسة لحالي في البيت , بعد سنتين كان في بيت جنبنا ينبني ومره دق علي الباب ورحت اشوف مين ؟ كان رجال سوري , سبحان اللي خالقه الانسان هذا عمري ماشفت بجماله احد , طلب مني ماي للعمال , اخذت قارورة كبيرة وكم كاس بلاستيك , وطلعت اعطيه , وصار كل كم يوم يجي يطلب وانا ينكسر خاطري واعطيهم وكل يوم عن يوم كان يزيد اعجابي بالرجال هذا , الين مره في مره صرت ادخله البيت ومره في مره الين ماحصل الحرام بيننا وماكانت مره اكثر من مره , بيوم حسيت بدوخه وألم في بطني لما رحت المستشفى قالوا مبروك المدام حامل , انبسطت كثير لكن زوجي كان ساكت كانت ردة فعله باردة , وصلنا البيت وقبل ماانزل عبايتي طاح فيني ضرررب , الين ماقريب يغمى علي , طول الوقت كنت أسأله ليه تضربني , لما تعب قال كيف انتي حامل وانا انسان عقيم ..!!!! زوجي كان يعرف انه عقيم بس خبى علي , فاعرف اني ونزلت راسها وكملت بكي أم صالح : وبعدين وش سوى أم عبدالله : أبدا تزوج علي وخلاني عنده الين ماولدت أول ماولدت أخذ الولد مني ورماني بالشارع ... وإلىاليوم ماشفت ولدي ولا أعرف عنه شي , أنا ألحين أنظف حمامات في مستشفى من مستشفيات الجبيل. أم عبدالله : استغربت كثير من ردة فعل أم صالح وأم أحمد رغم كل الي سمعوه ألا انهم حاولوا تهدئتها وعيونهم غرقانة من الدمع. أم صالح : أختي ترى قصتي مو بعيدة عن قصتك أبدا أم أحمد : وش هي قصتك أم صالح : تتكلم وقلبها يتقطع مع كل كلمة تقولها , أنا بزماني كنت أعرف واحد وأحبه يحبني ومره جاني البيت في المجلس وطبعا كنا نمارس الحرام ودخل علينا اخوي العسكري , وطلع مسدسه يبي يطلق عليه وبحركة سريعه تحركت من مكاني ومسكت يده وجات الطلقه في قلبه ومات بوقتها والولد هرب , دخلت السجن بجريمة قتل وجريمة زنا وطلعت حامل , ولدت بالسجن قالوا انها بنت وماخلوني أشوفها , قلت لهم خلوني أشوفها وأرضعها وبعدين خذوها مني , قالوا أن الدكتورة الي بالسجن تبي تتبناها لأنها ماتجيب عيال وراح تخلي أختها ترضعها لها عشان تحل عليها , ومن يوم ولدت إلى يومكم ماشفت بنتي أكيد كبرت وصارت فوق ال 20 سنة , لما انتهت مدة حكمي طبعا أهلي تبرو مني والدكتورة كان قلبها علي وخلتني أشتغل في السجن في مدينة الدمام , أنظف الحمامات. أم عبدالله : وأنتي يا أم أحمد أم أحمد : كانت حرقتها أكبررررررر , أنتوا الي حصل لكم برضاكم لكن أنا حسبي الله عليهم الي سو فيني كذاا , لكن الحمد لله ربي أخذ حقي منهم الفراشة دخلت السجن والولد الي اعتدى علي مات بحادث , انا كنت طالبة في الثانوية في مدرسة من مدارس الدمام , والفراشة كانت أنسانة قمة القذارة , بيوم قالت لي تعالي معاي غرفتي أبيك تساعديني في شغلة , ودخلت الغرفة وقفلت الباب شوي ألا طلع شاب وأعتدى علي , بعد شهرين عرفنا أني حامل وقلت لاهلي الي حصل ولكن ماحد صدقني , جلست عند الجيران الي حموني من أهلي وبعد ماولدت , الجيران أخذوا الولد وحطوه عند مسجد , وبعد مدة لما مسكوا الفراشة أهلي طلعوا من الديرة وتركوني فا الجيران جزاهم الله الف خير بنتهم الكبيرة كانت مديرة مدرسة خاصة وشغلتني عندها فراشة , لا وزوجني الفراش , هو متزوج وعنده عيال , أنا الثانية أم عبدالله : طيب وأحمد ولدك كم عمره أم أحمد : أنا ماأجيب عيال أحمد مجرد أسم , لما ولدت شالوا رحمي كانت تبكي بألم أكثر وحده كانت متعذبة فيهم هي , لأنها مالها ذنب بالي حصل لها... في بيت أبو يعقوب : أبو يعقوب : ياولد وين رايح ع الصباح يعقوب : مادري , بفر بالشارع شوي أبو يعقوب : ياولد روح كمل دراستك ماراح ينفعك الا شهادتك يعقوب : لا الشهادة ماتنفع ماينفع الا الحسب والنسب أبو يعقوب : يحس بغصة ويمشي عنه في بيت أبو ليث : ليث : يما يالله مع السلامة أنا طالع الدوام تبين شي ؟ أم ليث : سلامتك يما , بس وانت راجع من الدوام مر المكتبة جيب هندسة لأخوك أسامة ليث : طيب ياأحلى أم بالدنيا مع السلامة أم ليث : الله يوفقك ياوليدي , أنتبه على نفسك مع السلامة. في بيت أم سعود : أم سعود : يالله غادة ماأبيك تتأخرين عن الكلية غادة : حاضر , وين ابوي مااشوفه أم سعود : أبوك طلع بدري راح يوصل سعود المدرسة. نشوف ردة الفعل على البداية وان شاء الله راح اتواصل معاكم بشكل جيد بحيث اني انزل كل يوم بارت لعيونكم انتظر احلى ردود |
|
|
|
|
10-25-2009, 12:17 PM
|
#3 |
|
-||[قلم من الماس]||-
 تاريخ التسجيل: Jul 2009
المشاركات: 620
معدل تقييم المستوى: 12 |
بدايةحلو ومشوقة لمعرفةبقيةالاحداث والله يوفقك ___اكملي دون تأخيرنتظرابداعك
|
|
|
|
|
10-27-2009, 05:55 AM
|
#4 |
|
-||[عضو فعال]||-
تاريخ التسجيل: Oct 2009
الدولة: الشرقية فديتها
المشاركات: 41
معدل تقييم المستوى: 0 |
نبض جروح نورتي القصة بقرأتك الحلوة وتسلمين على كلامك الحلو ومرورك الأحلى
وهذي التكملة لعيونك |
|
|
|
|
10-27-2009, 05:57 AM
|
#5 |
|
-||[عضو فعال]||-
تاريخ التسجيل: Oct 2009
الدولة: الشرقية فديتها
المشاركات: 41
معدل تقييم المستوى: 0 |
انتهت الدوامات والكل رجع لبيته :
غادة : يما ماتبين مني شي أم سعود : لا ليه ؟ غادة : بروح عند صديقتي منى بجلس معها الى المغرب وبررجع أم سعود : طيب حبيبتي انتبهي على نفسك وسلمي على منى. ليث : هلا يما أم ليث : هلا فيك ياوليدي , احط لك الغدا ليث : أيه يماا بموت من الجوع , بورح أبدل وانزل أم ليث : طيب حبيبي طلع ليث لغرفته الا جواله يدق , ابتسم من كل قلبه ورد ليث : هلا بروحي نجمة : استحت من ورى السماعة , هلا فيك , قولي كيف يومك بالدوام ليث : يومي حلووووو لأني سمعت صوتك فيه نجمة : ليـــــــث ليث : هههههه , فديتك , ابدا الحمد لله , انتي كيف دوامك نجمة : ماشي بس احس يتعب ليث : معلية ياروحي انتظري كله أيامي وليالي وأريحك من العذاب نجمة : تسوي نفسها مو فاهمه , كيف بتريحني من العذاب ليث : أبدا ماعاد بسمعك صوتي الحلووو نجمة : لااااااااااا صدق عاد وأهون عليك يا ليث ليث : آه بس هذي المشكلة أنك ماتهونين علي , شوي الا يندق الباب أسامة : ليث أمي تقول انزل تغدا ليث : طيب طيب جاي نجمة : يالله حبيبي روح تغدا وبصحيك على صلاة المغرب ياويلك لو تحط جوالك سايلنت مثل ذيك المره خليتني مثل المجنونة ادق وادق وانت ولا انت هناا ليث : لا خلاص تووبة ماعاد اسويها , مع اني احس شكلك حلو وانتي مثل المجنونة ههههههههه نجمة : يالله حياتي سلم على خالتي مع السلامة سكر ليث وبدل ملابسة ونزل عند أمه أم ليث : وينك كل هذا تبدل ملابسك أسامة : لااااا يما كان يكلم نجمة الليل ههههههه ليث : لو سمحت لا تتريق , دقيت علي يايما وقلت ماراح اطنشهاا حرام كانت تبي تتطمن علي , وتسلم عليك أم ليث : الله يسلمها من كل شر , ويالله شد حيلك وجمع المهر لها ليث : إن شاء الله يما يالله سموا واكلوااا نروح عند يعقوب : يعقوب كان جالس يتغدا ودق جواله اوف وش تبي هذي أبو يعقوب : مين هذي الي تدق عليك ويغمز له يعقوب : بنت اختها ويأشر على زوجة أبوه أبو يعقوب : تفصد عذاري بنت خالتك يعقوب : ناظر لأبوه نظرة , وقال أيه ورجع ياكل أم يعقوب : طيب رد عليها شوف وش تبي يعقوب : ماتبي شي ناشبت لي هالبنت نشبة خير وش تبي أم يعقوب : حرام عليك والله انها بنت طيبة وتحبك يعقوب : يالله مو راضية توقف أتصالات , رد ألو خير عذاري : هلا يعقوب شخبارك يعقوب : أنا كنت بخيررر بس من سمعت صوتك صرت ب شر عذاري : حرام عليك يايعقوب , انا كنت داقة اتطمن عليك رحت المدرسة ولا لا يعقوب : مارحت ولا بروح في شي ثاني , انا جالس اتغدا مو فاضي لك عذاري : طيب هني وعافية , اخليك الحين وبدق بعدين ليث : طيب يصير خيرر وقفل الخط بوجهها . نرجع ل غادة : غادة وصلت العمارة وبدات تصعد السلم الي حافظة درجاته عشان توصل للشقة الي لها سنتين تتردد عليهااا دقت الجرس فتح عمر الباب : هلا وغلا حياك ادخلي غادة : يؤيؤيؤيؤ عمر وش هذااااااا حشى مو شقة مزبلة هذي عمر : يحك راسه وش اسوي طيب انا دايم اقول لأخوياي لا تحوسون الشقه كثير عشان لاجات حياتي تنظفها ماتتعب غادة : صدق عاد , يالله امسك العباية وعلقها خلني انظف يالله وخر شوي , انتهت غادة من تنظيف شقة عمر , وهي الي في بيت اهلها عندها بدل الخدامة ثلاث , لكن عاد هذا حبيب القلب لازم تسوي له كل شي , غادة : عمر حبيبي انا حطيت لك الاكل ب الميكرويف , عمر : طيب خلك من الأكل : تعالي اجلسي خليني أشبع منك , جلست غادة جنبه وهذا انا جلست بس أيدك خلها بعيدة شووي اوكي عمر : يبتسم طيب انتي أمسكي يدي وحطيها وين ماتبين ؟ غادة : اها بحطها ورى ظهرك عشان ماتقدر تسوي شي جلسوا شوي وسولفواا وبعدها نزلت من شقته ورجعت البيت. أم سعود : غادة ماشفتي سعود غادة : لا ماشفته أم سعود : ياربي ماأدري وين راح من تغدا طلع ولا شفته غادة : أكيد راح مع أخوياه لاتخافين عليه أم سعود : المشكلة جهازه مقفل غادة : أكيد مافيه شحن لاتحاتين صحت غادة من النوم الساعة عشرة بالليل , ولقت خمس مكالمات من صديقتها منى غادة : جاري الأتصال .. هلا منى منى : هلا غادة وينك من اليوم وأنا أدق عليك غادة : سوري كنت نايمة منى : أها أجل كنتي عند سي سيد غادة : ألا قولي سيد الرجال كلهم منى : مالت عاد لو انه حلو ماأدري وش سويتي غادة : مالك شغل خلك في حالك منى : بخلي نفسي في حالها بس انتي بعد انتبهي على حالك غادة : أقول ترى مو وقت نصايح , خليني أقوم أصحصح وأرجع ادق عليك |
|
|
|
 |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تعالَ ..تعالَ وانظر الفرق بيننا وبينهم .{ ذَلِكَ فَضْلُ اللَّهِ يُؤْتِيهِ مَن يَشَاء} | أمة الرحمن | المنتدي الاسلامي (الشريعة و الحياة) | 2 | 05-01-2019 07:30 PM |
| آية اختلاف الليل والنهار في ضوء علوم الفضاء | مع الحق | منتدى العلوم الكونيه والثقافات العامه | 13 | 10-15-2018 04:31 PM |
| قصص قصير لقيام السلف لليل.. لا تضيعها على نفسك | I LOVE REEM | منتدي القصص و الحكايات - الأدب الشعبي | 7 | 04-28-2009 07:59 PM |
| هكذا كانو في الليل | الوحيده بدنياي | المنتدي الاسلامي (الشريعة و الحياة) | 3 | 01-18-2009 09:09 AM |
الساعة الآن 05:03 PM.
