09-22-2008, 10:10 PM
|
#31 |
|
-||[قلم من ذهب]||-
 تاريخ التسجيل: Sep 2008
المشاركات: 134
معدل تقييم المستوى: 17  |
*يا زين اللي حضرت* الله يا زين اللي حضرت غطّت على كل الحضور طلّت علينا و أنورت ما عقب هذا النور نور علمنا قول وش فيها زود يا ناس ماهي من الوجود شبهها يالله باختصار وردة و لا كل الورود معذورة لو تكبرّت مغرورة يا بخت الغرور و اللي تماريها خسرت من قدّها بدر البدور احترنا يا خالد معاك فعيونها شفت الهلاك يعني نسميها ملاك لا هيا أحلا من كذا فلّت جدايلها و سرت و صفقنا حيل بلا شعور هي بس هي اللي قدرت تجني على كل الحضور يا خالد أثريك معذور هذي ترى بعض الأمور هذي خذت عقلك أكيد مو بس أنا كل الحضور |
|
|
|
09-22-2008, 10:11 PM
|
#32 |
|
-||[قلم من ذهب]||-
تاريخ التسجيل: Sep 2008
المشاركات: 134
معدل تقييم المستوى: 17 |
*ملح الخليج* جيتك يا ملح الخليج و مصدر الطيبه قلبي تركني و جبت الشوق بيديني أثره مشى لك بلهفه قبل لأمشي به و من كثر نبضه سبق خطوات رجليني جيت أحضن ترابك الطاهر و أغني به جيتك يا بحرينهم مدري يا بحريني من كثر مالك بقلبي منزل و هيبه شافتك عيني و لا صدّقت أنا عيني و صار الحكي صعب مدري صعب تركيبه مدري عجزت أظهره من كثر ما فيني من يوم أنا صغير و انتي منّي قريبه كل شي عنّك أعرفه لو ما تعرفيني و به شي ما تعرفينه بس أنا أدري به و بقول ذا الشي لكن بينك و بيني الحب ويّا الوفا و الصدق و الطيبه هالأربعه ذولا فيهم عرق بحريني |
|
|
|
|
09-22-2008, 10:13 PM
|
#33 |
|
-||[قلم من ذهب]||-
تاريخ التسجيل: Sep 2008
المشاركات: 134
معدل تقييم المستوى: 17 |
*يسمي عليها* دار الفخر ما مثلها بين الأقطار الله عليها تفتن .. الله عليها نجمة و لكن لا ضوت تلغي أقمار قطرنا أصل النور منها و فيها أبطت و هي تنطر حمدها على نار تبي حمدها مثل ماهو يبيها و أصبح حمد ما بينها و بين الأخطار و صار بشموخه درعها اللي يحميها و جمّل قطر و اللي تمنّت قطر صار و جاب الفخر بيده و حنا يديها مو بس خلاّ زينها يلفت أنظار خلاّ الحلا نفسه يسمي عليها |
|
|
|
|
09-22-2008, 10:14 PM
|
#34 |
|
-||[قلم من ذهب]||-
تاريخ التسجيل: Sep 2008
المشاركات: 134
معدل تقييم المستوى: 17 |
*قــطــر* هذي قطر تاريخها يرفع الراس هي من بنات المجد و المجد منها الطيب هي ساسه إذا كان له ساس يومه تخيّر وين يسكن سكنها في ظل ابو مشعل قطر باسها باس ما تستريح إلا السحاب يحضنها بيديه لبّسها حمد عقدٍ من الماس و لو تامره يرهن حياته رهنها قطر فعايل مالها حد و قياس يشهد لها وقت الشدايد زمنها ماقول بس بفعلها تشهد الناس لو تنشد الخفجي تعلّمك عنها |
|
|
|
|
09-22-2008, 10:18 PM
|
#35 |
|
-||[قلم من ذهب]||-
تاريخ التسجيل: Sep 2008
المشاركات: 134
معدل تقييم المستوى: 17 |
* امــــــــي* أمي مهي أم أمي كنز حنيّه حلاة الكون كله منوخذ منها محبة الأم ليه تصير مخفيّه محبة الأم مدري ليه ندفنها أمي مهمه وأهم من الأهميّه أبأفتخر في محبتها وأبيّنها كلي لها بجد من راسي لرجليّه أعز من عزّها وأهين هاينها لا قالت الآه كن شخص انطعن فيّه أجي من أقصاي فازع لأجل أطمّنها عذروبها بس طيبتها خياليّه يا زين عذروبها اللي ما يشيّنها قليل في حقها اللي قلت وشويّه أكبر بواجد من اللي قلت أنا عنها |
|
|
|
 |
|
|
الساعة الآن 07:31 PM.
